اسلام امیرلیگی سوزلاوچیسی اورینباسری حمدالله فطرتنینگ اعلام قیلیشیچه، افغانستان گه قیتیب کیلگن کیشیلرگه اوچ مینگ ۴۶ نمره ییر ترقهتیلگن.
فطرت، اوتگن کون کوچ قورون (۲۶-جدی، جمعه)، اکس صحیفهسیده یازیشیچه، مذکور ییرلر تورلی ولایت و قاچقینلر شهرچهلریده، جبری شکلده چیقریلیب و افغانستان گه قیتگن کیشیلرگه تاپشیریلگن.
اونینگ کوپهیتیریشیچه، اسلام امیرلیگی رهبری بویروغی بیلن مملکت گه قیتگنلرگه ییر ترقهتیلیش جریانی تیزلنتیریلیب و شونینگدیک آزیق-آوقت، نقد پول و باشقه بیر قطار نرسهدن عبارت قیش یاردملری هم تیز بیر شکلده ییتکزیب بیریلماقده.
شوندهی بیرحالده، ایران و پاکستان دن افغانستانلیک یشاوچیلرنینگ جبری شکلده قیتریلیش جریانی دوام قیلیب و کونده مینگلب کیشی مملکت گه کیلهدی.
بوندن آلدین، مملکتگه قیتگن قاچقینلردن قطاری، ایش و باشپنهسیزلیک همده انسانسیورلیک یاردملردن آزراق فایدهلنیشدن خواطر بیلدیرگن ایدیلر.
