قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ۱ مینگ ۳۳۲ افغانستانلیکنینگ جبری شکلده چیقریلگنینی معلوم قیلگن.
مذکور کمیسیون، بیر بیانیه آرقهلی اوشبو کیشیلرنینگ اوتگن جمعه کونی هرات ده اسلامقلعه، نیمروز ده پلابریشم، قندهار ده اسپینبولدک، ننگرهار ده تورخم و هلمند ده بهرامچه چیگره قتناو یوللری آرقهلی افغانستان گه کیلگنلرینی یازگن.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، مملکت گه قیتگنلردن قطاریگه نقدی یاردم، آزیق-آوقت و طبی خذمتلر کورسهتیلگن.
ایران و پاکستان، هر کونی افغانستانلیک مینگلب یشاوچینی چیقرهدی که بو جریان اوتگن ایکی ییلدن بویان دوام قیلماقده.
بوندن آلدین بیرلشگن ملتلر تشکیلاتینینگ ترقیاتی دستوری، ایران و پاکستان دن افغانستانلیک قاچقینلرنینگ چیقریلیشی، قیتگنلر جایلشتیریلهدیگن حدودلرنی باسیم آستیده قویگنینی معلوم قیلگن ایدی.
