اسلام امیرلیگی تشقی ایشلر وزیرلیگینینگ مالی و اداری اورینباسری محمد نعیم، کابل ده اوزبیکستان ایلچیسی آیبیک عثماناوف بیلن اوچرهشیب و ایکی تامانلمه مناسبتلر کوچهیشی، سودا و ترانزیت حقیده صحبت قیلگن.
اسلام امیرلیگی سوزلاوچیسی اورینباسری ضیااحمد تکل، اوتگن کون کیچ قورون (۴-جوزا، یکشنبه)، اکس صحیفهسیده یازیشیچه، مذکور اوچرهشووده ایکی تامان ایکی تامانلمه اونملی موضوعلر توغریسیده صحبت قیلگنلر.
بیزلرنینگ «ایکس» ترماغی ده هم تعقیب قیلینگ!
محمد نعیم، اوشبو اوچرهشووده کابل و تاشکینت آرهسیدهگی مناسبتلرنی تاریخی دیب و ایتیشیچه، ایکی مملکت آرهسیدهگی اقتصادی همکارلیکلر اوچون کوپینچه فرصتلر بار. اونینگ اورغولشیچه، ترانزیتی آسایشتهلیکلر یرهتیلیشی و تجارت کوچهیشی ایکی مملکت فایدهسیگه بولیشی ممکن.
تشقی ایشلر وزیرلیگینینگ اعلامیهسی اساسیده، شونینگدیک آیبیک عثماناوف، «ترمذ» مذاکرهلریده محمد نعیمنینگ فعال اورنیدن قدردانلیک قیلیب و اونی، افغانستان و اوزبیکستان آرهسیدهگی مناسبتلر مستحکملنیشی توغریسیده بیر بیلگی دیگن.
بیزلرنینگ فیسبوک صحیفهمیزگه باش اورینگ!
ترمذ مذاکرهلری اوزبیکستان ده ۱۹ دن ۲۱-میده اوتکزیلیب و محمد نعیم هم بو مذاکرهگه شرکت قیلگن. او مذکور ییغیلیشده افغانستاننینگ منطقهای لایحهلرده فعال اشتراک ایتیشینی سورهگن ایدی.
