سۉنگی کونلرده پاکستان‌ده افغانستان‌لیک قاچقینلر قولگه آلینماقده اېکن، مملکت قاچقینلر وزیرلیگی پاکستان دولتیدن بو مملکت‌ده افغانستان‌لیک قاچقینلر بیلن یخشی یانده‌شوونی سوره‌گن.
افغانستان قاچقینلر وزیرلیگی سۉزلاوچیسی عبدالمطلب حقانی، قاچقینلر خلق‌ارا قاعده‌لر و اۉز اېستک‌لری بیلن مملکتلری گه قیتیش اوچون ایزین بیریلیشی کېره‌ک دیېدی.
اونینگ کوپه‌یتیریشیچه: «سۉنگی نیچه کون ایچیده پاکستان پایتختی‌ده ۸۰۰ افغانستان‌لیک قاچقین قولگه آلینگن اولردن بیرقطاری‌نینگ قانونی حجتی بار و قاچقینلر وزیرلیگی‌نینگ سعی-حرکتی طفیلی قانونی حجتی بولگن قاچینلردن بیرقطاری قوییب یوباریلدی و باشقه قاچینلرنینگ قوییب یوباریش اوچون تلاش قیلینماقده و پاکستان دولتیدن قاچقینلر بیلن یخشی یانده‌شیب و خلق‌ارا قاعده‌لر اساسیده اولر گه اۉز اېستک‌لری بیلن مملکتلری گه قیتیش ایزینی بیریلیشینی سوره‌یمیز.»
باشقه تاماندن، سلام‌وطندار گه یوللنگن ویدیو فایل‌ده بیر عایله اعضالری کوریله‌دی و اسلام‌آبادده تیریکچیلیک قیله‌دیلر. اولر گه کوره، پاکستان پولیسی گه عاید موتر یشش اوی‌لری ایشیگیگه کېلیب، تورموش اورتاغی و باله‌لرینی تورمه‌خانه گه آلیب کېتگن.
بیزلرنینگ فیسبوک صحیفه‌میزگه باش اورینگ!
اوشبو عایله قۉشنیسی هامون خموش، پاکستان پولیسی تامانیدن قولگه آلینگن اېدی، بیراق ینگی‌لیکده کفالت بیلن قوییب یوباریلگنینی اېته‌دی. اونگه کوره: «اتفاقاً اویی‌ده اېدیم ایشیک قاقیلدی، پاسپورت سوره‌دیلر بیز گه نمره بار ویزه تمدید بولگونچه تیریکچیلیک قیلیشینگیز ممکن دیېدیلر، اوی‌دن چیققنده مینی هم قولگه آلدیلر و تورمه‌خانه‌لیگیمده باله‌لریم تشویش‌ده اېدیلر.»
پاکستان‌ده افغانستان‌لیک قاچقینلردن باشقه بیری ایمل حبیبی، او و عایله اعضالری هردایم اوشبو مملکت پولیسی تامانیدن حبس گه آلینیب و جبری شکلده افغانستان گه قیتیریلیش‌دن تشویش‌ده اېکنلرینی اېته‌دی.
پاکستان‌ده افغانستان‌لیک قاچقینلرنینگ مدافع وکیلی صدیق کاکر، خلق‌ارا تشکیلات‌لر و افغانستان ایلچیخانه‌سی تیزلیک بیلن اقدام قیلمه‌گن حالده، قولگه آلینیش جریانی کوپه‌یشی حقیده آگاه‌لنتیره‌دی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «۱۰۰۰ افغانستان‌لیک قاچقینگچه حبس گه آلینگن خلق‌ارا تشکیلات‌لر و افغانستان ایلچیخانه‌سی اقدام قیلمه‌گن حالده، بو جریان دوام تاپیشی ممکن.»
پاکستان‌ده افغانستان‌لیک قاچقینلردن باشقه بیری ظاهر، دنیا همجمعیت‌دن قیینچیلیک‌لری گه دقت قیلیشینی اېسته‌یدی. اونینگ کوپه‌یتیریشیچه: «دنیا همجمعیت‌دن افغانستان‌لیک قاچقینلرنینگ قیینچیلیگی گه دقت قیلیشنی اېسته‌یمیز، چونکه پاکستان‌ده افغانستان‌لیک قاچقینلر قولگه آلینماقده و باشقه مملکتلرده کیمسه‌نینگ ایشی یوق.»
شو بیلن بیرگه، اسلام‌آبادده افغانستان اسلام امیرلیگی ایلچیخانه‌سی افغانستان‌لیک قاچقینلر قولگه آلینیشیدن خواطر بیلدیریب و پاکستان دولتیدن بو مسئله گه دایر جدی دقت قیلیشینی سوره‌گن.
پاکستان‌ده افغانستان ایلچیسی سرداراحمد شکیب، سلام‌وطندار بیلن اۉتکزگن صحبتی‌ده، بو ایلچیخانه خلق‌ارا قاچقینلر تشکیلاتی و انسان حقلری نهادلریدن، بوتوغریده تیزلیک بیلن اقدام قیلیش‌لرینی سوره‌گنینی معلوم قیلگن.
اونگه کوره: «اسلام‌آبادده ایشانچلی ویزه، پی‌او‌آر‌ای کارت‌لری بولگنلر شامل قریب ۸۰۰ افغانستان‌لیک قاچقین قولگه آلینگن و بیز قاچقینلر قیینچیلیگی حل اېتیلیشی اوچون پاکستان دولتی بیلن مذاکره قیلماقده‌میز و یوان‌ایچ‌سی‌آر و باشقه انسان حقلری تشکیلات‌لری بوتوغریده تیزلیک بیلن اقدام قیلیشی کېره‌ک.»
بوندن آلدین، خلق‌ارا کیچیریم تشکیلاتی، پاکستان رسمی‌لری‌نینگ افغانستان‌لیک قاچقینلر بیلن یامان یانده‌شوویدن تشویش بیلدیرگنی اېتیله‌دی.
