اسلام امیرلیگی امربه معروف و نهی منکر وزیرلیگی‌نینگ ایتیشیچه، چیت‌ایل مملکتلری عیال حقوقلری بوییچه مسئله‌لرنی تبلیغات و سیاسی باسیم‌لر اورنیده قوله‌یدیلر.
اوشبو وزیرلیک سۉزلاوچیسی سیف‌الاسلام خیبر، ۱۷ مملکت عیال تشقی ایشلر وزیرلری‌نینگ افغانستان‌ده خاتین-قیزلر گه یره‌تیلگن چېکلاولر بیکار قیلینیشی گه دایر بیاناتی گه مناسبت بیلدیریب ایتیشیچه، افغانستان‌ده عیاللرنینگ حقوقی اسلام قدریت‌لری گه تېنگ تأمین اېتیلگن.
بیزلرنینگ فیسبوک صحیفه‌میزگه باش اورینگ!
تشقی مملکتلر، افغانستان‌نینگ ایچکی ایشلری گه اره‌لشمسلیگی کېره‌ک دیېدی، امر معرف و نهی منکر وزیرلیگی سۉزلاوچیسی سیف‌الاسلام خیبر.
اونینگ کوپه‌یتیریشیچه: «عیاللرنینگ حق حقوقلری آیاغ آستی بولگن دیگن ادعالر، ریکلام و سیاسی باسیم‌لر دیر و حقیقت‌لردن کوز یومیش دیمک دیر. افغانستان خلقی سۉنگی ایکّی سنه‌ده بو آدرس‌دن ادعا و قیلمیش‌لرینی کورگنلر شونی اوچون بو کیشیلر گه ایشانمه‌یدیلر.»
عین‌حالده، ۱۷ مملکت همده اروپا بیرلشمه‌سی عیال تشقی ایشلر وزیرلری، اوتگن هفته ۲۳-دلو، سه‌شنبه کونی کانادا پایتختی اتاواده بیر ییغین اوتکزیب افغانستان‌ده‌گی خاتین-قیزلر وضعیتینی کوریب چیقدیلر و بو ییغیلیش‌نینگ سونگی‌ده قۉشمه شکلده بیانات صادر قیلدیلر. اوشبو بیانیه شنبه کونی کانادا تشقی ایشلر وزیرلیگی‌نینگ و‌بسایتیده نشر اېتیلگن.
بیزلرنینگ «ایکس» ترماغی ده هم تعقیب قیلینگ!
۱۷ ممکلت عیال تشقی ایشلر وزیرلری و اروپا بیرلشمه‌سی اۉز بیاناتیده، جهان بوییچه افغانستان عیاللر اوچون اېنگ حقوقی پایمال بولگن مملکت دیېلگن.
شونینگدیک اولر، اسلام امیرلیگی‌نینگ افغانستان‌ده‌گی خاتین-قیزلرنینگ اوقیش و ایشی گه یره‌تیلگن چېکلاولر بیکار قیلینیشینی سوره‌گنلر.
