کانلر و پترولیم وزیرلیگی مسئوللری گه کوره، اسلام امیرلیگی ایکّینچی مراتبه قدرت نی آلگنیدن سۉنگ، چین، تورکیه، ایران، قطر و بریتانیا کمپنیه‌لری افغانستان نینگ بویوک سکیز کانی اوستیگه ییتّی میلیارد دالر سرمایه یاتقیزگن.
کانلر و پترولیم وزیرلیگی سۉزلاوچیسی همایون افغان نینگ سلام‌وطندار گه ایتیشیچه، بو مقدار پول کشفیات، قازیب چیقریش، فابریکه قوریش، کفالت و تامینات بولیم‌لریده صرفلنه‌دی.
اونگه کوره: «چین، ایران، تورکیه، قطر و بریتانیا مستقیم طرزده افغانستان نینگ سکیز بویوک کانی اوستیگه سرمایه یاتقیزگنلر.»
بیزلرنینگ فیسبوک صحیفه‌میزگه باش اورینگ!
کانلر و پترولیم وزیرلیگی سۉزلاوچیسی گه کوره، چین کمپنیه‌لری تخار ده آلتین کانی، لوگر ده ایکّینچی مس عینک کانی و آمو دریا حوزه‌سی نفتینی قازیب چیقریش کانی اوستیگه سرمایه یاتقیزگن، ایران‌لیک کمپنیه هرات غوریان تومنی تیمیر کانی ایکّی بلاکی و تورکیه همده بریتانیالیک کمپنیه‌لری هر بیری غوریان تومنی تیمیر کانی بیر بلاکی و شونینگدیک قطرلیک کمپنیه جبل‌السراج سمنت لایحه‌سی اوستیگه سرمایه یاتقیزگن.
اونینگ کوپه‌یتیریشیچه: «تخار ولایتی آلتین کانی، ایکّینچی مس عینک کانی، آمو دریا حوزه‌سی نفتینی قازیب چیقریش شرطنامه چین کمپنیه‌سی بیلن امضالنگن و هرات ولایتی غوریان تومنی تیمیر کانی تورتله بلاک‌لری نینگ قازیب چیقریش شرطنامه ایکّی بلاکی ایران و بیر بلاکی تورکیه وباشقه بیر بلاکی بریتانیالیک کمپنیه امضالنگن و سۉنگیده جبل‌السراج سمنت لایحه شرطنامه‌سی قطرلیک کمپنیه بیلن امضالنگن، توپلم پول مقداری ییتّی میلیارد دالر دیر.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، اقتصادی ایش بیلرمان‌لردن بیرقطاری نینگ ایتیشلریچه، کانلر و پترولیم وزیرلیگی افغانستان نینگ قاعده‌سی و ملی منفعت‌لری اساسیده شرطنامه امضاله‌ماقده دیر.
اقتصادی ایش بیلرمان شبیر بشیری گه کوره، مملکت کان‌لری اوستیگه سرمایه یاتقیزیش افغانستان نینگ اقتصادی ترقیاتی گه سبب بوله‌دی.
اونینگ ایتیشیچه: «اوشبو کانلر قازیب چیقریلمه‌ی و پروسس بولمسه یالغیز تحقیق باسقیچیده بولسه، مملکت ده اقتصادی ترقیات گه سبب بوله‌دی.»
کانلر و پترولیم وزیرلیگی مسئوللری گه کوره، بویوک کانلر شرطنامه‌سی ۳۰ ییل گه قدر امضالنگن و دستلبکی بیش ییلی کشفیات باسقیچی سنله‌دی.
