ایران یېتکرمه‌لری اوشبو مملکت نینگ بنگی‌وار ماده‌لر گه قرشی کوره‌ش ستاد باش کاتبی اسکندر مومنی دن نقل قیلیب ایتیشلریچه، افغانستان دن ایران گه بنگی‌وار ماده‌لر قاچاقی کوپه‌یگن.
ایران یېتکرمه‌لری نینگ گزارشی اساسیده، اۉتگن ییل ده سنتی بنگی‌وار ماده‌لر قاچاقی کمه‌یش گواهی اېدیلر بیراق عکسینچه ایران ده صناعتی بنگی‌وار ماده‌لر قاچاقی ۲۰ فایز آشگن.
ایران انتخاب کونده‌لیگی بو مملکت اوشبو رسمی‌سی دن نقل قیلیب یازیشیچه، سۉنگی کون‌لرده اسلام امیرلیگی هیئتی ایران گه سفر قیلگن اېدی، بنگی‌وار ماده‌لر قاچاق اېتیلیش دوامینی انبارلرده‌گی بنگی‌وار ماده‌لر عنوان قیلیب و انبارلرده‌گی ماده‌لر یکونلنیشی بیلن بنگی‌وار ماده‌لر قاچاقی ۹۰ فایز کمه‌یشیدن ایشانچ بیرگنلر.
بیزلرنینگ فیسبوک صحیفه‌میزگه باش اورینگ!
انتخاب کونده‌لیگی نینگ گزارشی‌ده کیلیشیچه: «ایران گه تشریف بویرگن اسلام امیرلیگی رسمی‌لری، بنگی‌وار ماده‌لر تولید و سوداسی کمه‌یگن و انبارلر ده‌گی بنگی‌وار ماده‌لر یکونلنیشی بیلن، بنگی‌وار ماده‌لر قاچاقی ۹۰ فایز کمه‌یشی ممکن دیگنلر.»
ایران رسمی‌لری، افغانستان‌دن اوشبو مملکت گه بنگی‌وار ماده‌لر قاچاق اېتیلیشی‌دن خواطر بیلدیرماقده اېکنلر، اسلام امیرلیگی ېنه بیر مرتبه بنگی‌وار ماده‌لر قاچاقی و تولیدی آلدی آلینیشیدن ایشانچ بیره‌دیلر.
سرپرست حکومت ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینیت دفتری نینگ باشلیغی حسیب‌الله احمدی نینگ سلام‌وطندار گه ایتیشیچه بوتوغریده اسلام امیرلیگی دنیا گه بیرگن وعده‌لرینی اثباتله‌گن.
احمدی گه کوره، افغانستان بویلب بنگی‌وار ماده‌لر قاچاقی و تولیدی اوچون یولگه قوییلگن ۲۳ مینگ ۵۰۰ عملیات‌ده، ۱۴ قاچاقچی قولگه آلینیب و بیش مینگ ۵۰۰ تُن بنگی‌وار ماده و بیر مینگ ۲۰۰ بنگی‌وار ماده‌لر فابریکه‌سی یوق اېتیلگن.
بیزلرنینگ «ایکس» ترماغی ده هم تعقیب قیلینگ!
بنگی‌وار ماده‌لر گه قرشی کوره‌ش معینیت دفتری باشلیغی نینگ کوپه‌یتیریشیچه: «اسلام امیرلیگی، بنگی‌وار ماده‌لرنی اېکیش، تولید و قاچاق قیلیش اوچون هېچ کیم‌گه رخصت بیرمه‌یدی، بو ایشنی قیله‌دیگنلر بنگی‌وار ماده‌لر گه قرشی کوره‌ش معینیتی تامانیدن قولگه آلینیب و عدلی و قضایی نهادلر گه تاپشیریله‌دی.»
ایش بیلرمان‌لردن بیرقطاری، اسلام امیرلیگی نینگ بنگی‌وار ماده‌لر اېکینی، تولید و قاچاقی آلدینی آلیش اوچون آلیب باره‌یاتگن سعی‌وحرکت‌لرینی قانیقرلی بیله‌دیلر.
اوشبو ایش بیلرمان‌لر نینگ ایشانچی گه کوره، بیر قطار مملکت‌لر بنگی‌وار ماده‌لر قاچاقی بهانه‌سیدن فایده‌لنیش اوچون اوشبو مملکتده بنگی‌وار ماده‌لر قاچاق اېتیلیشی‌دن خواطر بیلدیره‌دیلر.
سیاسی و امنیتی ایش بیلرمان عزیز ستانکزی گه کوره: «کوپراق ایران، روسیه و پاکستان مملکت‌لری خواطر بیلدیره‌دی، بو مملکت‌لر افغانستان‌ده اسلام امیرلیگی تامانیدن اېستک‌لری عملی بولیش اوچون بونده‌ی سۉزلرنی بیان قیله‌دیلر.»
ایتیش کېره‌ک، اسلام امیرلیگی مملکتده صناعتی بنگی‌وار ماده‌لر آلدی آلینیشی، تولید و قاچاقی خصوصیده انیق معلومات بیرمه‌گن بولسه ده، ایران رسمی‌لری افغانستان‌دن اوشبو مملکت گه بنگی‌وار ماده‌لر قاچاقی کوپه‌یگنینی ادعا قیلماقده‌لر.
