بنگیوار ماده گه قرشی کورهش کونی بیلن بیرگه، ساغلیقنی سقلش وزیرلیگی مسئوللری کابل ده اوتکزیلگن بیر برنامهده ایتیشلریچه، اوتگن اوچ یریم ییلده افغانستان ده بنگیوار مادهگه چلینگن ۸۰ مینگ معتاد، اعتیادنی ترک قیلیش دورهسینی اوتکزگن.
ساغلیقنی سقلش وزیرلیگینینگ معالجوی طب عمومی باشلیغی وحدت الکوزی، بوگون کابل ده بنگیوار ماده گه قرشی کورهش کونی مناسبتی بیلن اوتکزیلگن بیر برنامهده ایتیشیچه، مذکور مدتده تورلی ولایتلرده اعتیادنی ترک قیلیشگه مخصوص ۲۰ ته مرکز آچیلیب و باشقه ۳۰ مرکز امکانیتی هم آشیریلگن.
بیزلرنینگ «ایکس» ترماغی ده هم تعقیب قیلینگ!
شونینگدیک ساغلیقنی سقلش وزیرلیگی سرپرستی نورجلال جلالی، ساغلیق بولیمیده خلقارا نهادلرنینگ کوپراق همکارلیگی ضرورلیگیگه تاکیدلب و ایتیشیچه، اعتیادنی ترک قیلیشگه مخصوص مرکزلر و دارو کملیگی، بنگیوار ماده گه چلینگن کیشیلردن قطارینینگ اولیمیگه سبب بولگن.
جلالینینگ کوپهیتیریشیچه: «خارجی همکارلریمیزدن یاردملرینینگ کوپهیتیریشلرینی ایستهیمیز و بولر آز دیر و کورگنمیز که دوالنیش مرکزلریده، معتاد کیشیلردن قطاری دارو یوقلیگی سبب، حیاتلرینی قولدن بیرگنلر و تلفات کوپراق بولگن جایلرگه کوپراق توجه قرهتیشلرینی ایستهیمیز.»
بیزلرنینگ فیسبوک صحیفهمیزگه باش اورینگ!
بو برنامه حضوری بولگن خلقارا ساغیلقنی سقلش تشکیلاتی نمایندهسی عبدالقدوس سعادتنینگ ایتیشیچه، بنگیوار مادهلردن فایدهلنیش نتیجهسیده، افغانستان ده میلیونلب کیشی روحی قیینچیلیکلرگه چلینگن. اونگه کوره، اوشبو کیشیلردن کوپ قطارینی یاشلر، مملکت گه قیتگنلر و اوروش یوز بیرگن منطقهلرده حیات کیچیرهدیگنلر دیر.
۲۶ جون، بیرلشگن ملتلر تشکیلاتینینگ عمومی مجمعسی آرقهلی، خلقارا بنگیوار ماده گه قرشی کورهش کونی صفتیده ناملنگن.
