مملکت ملی مدافعه وزیرلیگی تامانیدن ترقه‌تیلگن اعلامیه گه کوره، غزنی ولایتی نینگ قلعه “جوز” منطقه‌سیده ییرلشگن کماندو کوچلری اوستیگه اویوشتیریلگن هجومنی ریجه‌لنتیرگن کیشی ۷ یولداشی بیلن هوایی کوچلر تامانیدن اویوشتیریلگن هجوم نتیجه‌سیده هلاک ایتیلگن.
مدافعه وزیرلیگی تامانیدن ترقه‌تیلگن اعلامیه گه کوره، اوتگن “شنبه” کونی غزنی ولایتیده ییرلشگن کماندو کوچلری برابریده هجومنی ریجه‌لنتیرگن کیشی نینگ آتی «حمزه وزیرستانی» ایکن.
ملی مدافعه وزیرلیگی گه کوره، حمزه وزیرستانی اوتگن کیچه غزنی ولایتی نینگ گیرو تومنینی علی شیرخیل منطقه‌سیده هلاک ایتیلگن.
خبرنامه ده کوپه‌یتیریلیشیچه، حمزه وزیرستانی غزنی ولایتیده ییرلشگن کماندو کوچلری برابریده اویوشتیریلگن هجومنی ریجه‌لنتیرگن.
غزنیده ییرلشگن کماندو کوچلری برابریده اویوشتیریلگن هجوم نتیجه‌سیده ۳۰ حربی هلاک و ۲۴ حربی یره‌لنگن ایدی.
حاضرگه‌قدر هیچ‌بیر گروه بو هجوم مسوولیتینی بوینیگه آلمه‌گن.