کانگو دموکراتیک جمهوریتی محلی رسمیلری، اوشبو مملکتنینگ لوالابا ولایتیده کان قولشی عاقبتیده چمهسی ۳۲ کیشی هلاک بولگنینی معلوم قیلگنلر.
الجزیره، بوگون (۲۶-عقرب/۱۷-نومبر، یکشنبه) گزارش ترقهتیب، بو واقعه یوزلب ناقانونی قازیب چیقرووچی کوچلی یامغیر یاغهیاتگنی و ییر سیلجیشی خطری طفیلی منع قیلینیشی گه قرهمی، زورهوانلیک بیلن محل گه کیرگن پیتده یوز بیرگن.
کانگو دموکراتیک جمهوریتی، دنیادهگی اېنگ ییریک کبالت ایشلب چیقرووچی مملکت دیر، بو مینرال برق ترانسپورتلری و باشقه محصولاتلرده قوللنیلهدیگن لیتیوم –یون باتریلری ایشلب چیقریش اوچون نهایتده مهم دیر. اوشبو مرکزی آفریقا دولتیده ایشلب چیقریلهدیگن کبالتنینگ قریب ۸۰ فایزی چین کمپنیهلری اختیاریده دیر. شونگه قرهمی، کانگوده کبالت قزیب آلیش صناعتی ییللردن بیری بالهلر محنتی، خوفسیز بولمهگن ایش شرایطلری و کېنگ کولملی فساد کبی عیبلاولرگه دوچ بولگن.
