عدن شهریده یمن دولتیگه تیگیشلی حربی کاروانگه جایلشتیریلگن بمبنینگ پارتلشی عاقبتیده، کمیده بیش کیشی اولیب و باشقه اوچ کیشی یرهلنگن.
الجزیره خبری ترماغینینگ بوگون (۲۲-جنوری/ ۲-دلو، پنجشنبه)، گزارش بیریشیچه، بو واقعه اوتگن کون یوز بیرگن.
یمن رسمیلریگه کوره، مذکور هجومده سعودی عربستان تامانیدن قوللب-قوتلنه یاتگن حکومت اتفاقچیلریدن حمدی شکری نشانگه آلینگن. شکری اوشبو هجومده تیریک قالگن، بیراق ایاق قسمیدن جراحت کوتارگن.
یمن جمهورلیک ریاستی بوییچه رهبرلیک کینگشی، بو هجومنی «ترورچیلیک و خیانتلی» دیب و اعلام قیلیشیچه، واقعه عامللری تانیلیشی و قولگه آلینیشی اوچون قاطعیت بیلن حرکت قیلینهدی. حاضرگچه هیچ بیر گروه بو هجوم مسئولیتینی بوینیگه آلمهگن.
یمن ۲۰۱۴-ییلدن ایچکی اوروشلر بیلن روپهره بولیب و سونگی آیلرده هم، دولت بیلن اتفاقچی بولگنی تورلی کوچلر آرهسیده توقنشوولر کوپهیگنی بیرحالده، بو هجوم یوز بیرگن.
