سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی جمعه و شنبه (۲۱ و ۲۲-ثور کون‌لری) مملکت نینگ ۲۲ ولایتیده کوچلی یامغیر یاغیب، سوو تاشقینی و بوران یوز بیریش احتمالی‌دن آگاه‌لنتیرگن.
اوشبو ریاست بوگون ایکس اجتماعی ترماغی‌ده بیر خبرنامه ترقه‌تیب ایتیشیچه، پروان ده سالنگ‌لر شامل بدخشان، تخار، قندوز، بلخ، جوزجان، سرپل، فاریاب، سمنگان، بغلان، پنجشیر، نورستان، کنر، لغمان، ننگرهار، پروان، کاپیسا، کابل، میدان‌وردک، لوگر، پکتیا، خوست و بامیان ولایتلریده کوچلی یامغیر یاغیب، سوو تاشقینی و بوران یوز بیریش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۴۵ ملی‌متر پیش‌بینلیک قیلگن.
اوشبو ریاست گه کوره، سالنگ‌لر شامل مملکت نینگ شمال، مرکز، غرب، جنوب و جنوبی ولایتلریده نسبتن کوچلی بوران یوز بیریشی ممکن، تورلی منطقه‌لرده بوران تېزلیگی بیر ساعت ده ۳۰ دن ۷۰ کیلومتر پیش‌بینلیک بولگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک بوندن آلدین، مذکور ریاست مملکت نینگ قطار ولایتلریده کوچلی قار، یامغیر و بوران یوز بیریشیدن خبر بیرگن اېدی.
