افغانستان هواشناس‌لیک ریاستی مملکت نینگ ۲۲ ولایتیده سوو تاشقینی بیلن کوچلی یامغیر و قار یاغیش احتمالی‌دن آگاه‌لنتیرگن.
اوشبو ریاست گه کوره، بوگون (شنبه، ۲۸-دلو)، بدخشان، تخار، قندوز، بلخ، پروان، بغلان، پنجشیر، کاپیسا، نورستان، ارزگان، دایکندی، غور، هرات، فراه، بادغیس، جوزجان، فاریاب، سرپل، بامیان، میدان‌وردک، غزنی و سمنگان ولایت‌لریده سوو تاشقینی بیلن قار و یامغیر یاغیشی ممکن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۰ دن ۳۵ ملی‌متر و قار یاغیش میزانی نی ۱۵-۵۰ سانتی‌متر پیش‌بینلیک قیلگن.
ایتیش کیره‌ک که، اوتگن ییل قیش موسومی گه قره‌گنده جاری ییل قیش موسومی‌ده یامغیر و قار یاغیش میزانی نسبتاً کمه‌یب و مملکت‌ده قوروق‌چیلیک کوپه‌یشی خصوصیده اهالی نینگ خواطری گه سبب بولگن.