سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته (یک‌شنبه، ۲-ثور)، مملکت نینگ ۱۹ ولایتیده کوچلی قار و یامغیر یاغیب و سوو تاشقینی یوز بیریش احتمالی‌دن آگاه‌لنتیرگن.
اوشبو ریاست بوگون ایکس اجتماعی ترماغی‌ده بیر خبرنامه ترقه‌تیب ایتیشیچه، پروان ده سالنگ‌لر شامل ننگرهار، لغمان، کاپیسا، پروان، پنجشیر، بغلان، تخار، بدخشان، کابل، میدان‌وردک، بامیان، دایکندی، ارزگان، زابل، غزنی، پکتیکا، خوست، پکتیا و لوگر ولایتلریده کوچلی یامغیر و قار یاغیش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۳۰ ملی‌متر و قار یاغیش میزانی نی ۱۵ دن ۳۰ سانتی‌متر پیش‌بینلیک قیلگن.
ایتیش کېره‌ک سۉنگی کون‌لرده مملکت نینگ بیر قنچه ولایت‌لری کوچلی یامغیر یاغیش گواهی بولیب و بیر قطار ولایت‌لرده هم سوو تاشقینی یوز بیرگنیدن خبر بیریلگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، مذکور ریاست مملکت نینگ قطار ولایتلریده کوچلی قار، یامغیر و بوران یوز بیریشیدن خبر بیرگن اېدی.