میدان‌وردک ده باغ‌دارلردن قطاری نینگ ایتیشلریچه، جاری ییل‌ده آلمه حاصلاتی اوتگن ییل‌لر گه قره‌گنده کوپه‌یگن، بیراق ماس بازار یوق‌لیگی سبب، آلمه نی یریم قیمت گه ساته‌دیلر.
اولر مسئوللردن، محصوللری نینگ مملکت ایچیده و تشقی‌ده ساتیلیشی و تازه میوه‌لر نینگ سقلنیشی اوچون میدان‌وردک مرکزی میدان‌شهر و برچه تومن‌لرده ستندرد ساووق‌خانه‌لر توزه‌تیلیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
عین حالده، میدان‌وردک ده‌گی باغ‌دارلردن بیری عصمت‌الله نینگ ایتیشیچه: «آلمه محصوللری بو ییل اوتگن ییل‌لر گه قره‌گنده کوپه‌یگن، بیراق قوروق‌چیلیک بیلن روپه‌ره‌میز. اوتگن ییل‌لر سوو کوپ ایدی و آلمه‌لر هم یخشی حاصل بیر‌گن ایدی، لیکن بو ییل محصوللر کوپه‌یگن، بیراق آلمه‌لر کیچیک دیر.»
شونینگدیک اوشبو ولایت‌ده‌گی باغ‌دارلردن باشقه بیری عبدالشکور نینگ ایتیشیچه: «حکومت میدان‌وردک ولایتی باغ‌دارلری نینگ محصوللری اوچون ماس بازار تاپیشی کیره‌ک. آلمه‌لر نینگ بیر قنچه پیتگچه سقلنیشی اوچون ستندرد ساووق‌خانه‌لر توزه‌تیشی کیره‌ک که اوندن کیین آز بها گه ساته‌یلیک. حکومت قوروق‌چیلیک‌دن اوزاق بولیشی‌میز اوچون سوو توغان‌لری نینگ توزه‌تیشی کیره‌ک.»
شونده‌ی بیرحالده، میدان‌وردک ایکینچیلیک، سووغاریش و چاروه‌چیلیک ریاستی نینگ ایکینچیلیک ایشلری بوییچه آمری احسان‌الله بمبیوال نینگ ایتیشیچه، جاری ییل‌ده میدان‌وردک نینگ ۹ تومنی باغ‌لریدن قریب ۱۳۰ مینگ تُن آلمه قولگه کیلیشی ممکن که اوتگن ییل گه قره‌گنده کوپه‌یگنی نی کورسته‌دی.»
اونگه کوره، ایکینچیلر محصوللری اوچون ماس بازار یره‌تیلیشی خصوصیده سعی و حرکت‌لر باشلنگن. «آلمه محصولی بو ییل اوتگن ییل گه قره‌گنده یخشی بولگن و اوشبو ولایت نینگ ۹ تومنی‌دن قریب ۱۳۰ مینگ تُن آلمه قولگه کیلیشی ممکن. زردآلو، بادام و گیلاس کبی میوه‌لر گه قره‌گنده، بو ییل آلمه یخشی دیر و کمراق آفت ییتیشگن. ان‌شاءالله بو ییل آلمه نینگ یخشی حاصل بیریشی ممکن.»
بیزلرنینگ فیسبوک صحیفه‌میزگه باش اورینگ!
میدان‌وردک ایکینچیلیک ریاستی نینگ ایکینچیلیک ایشلری بوییچه آمری گه کوره، جاری ییل‌ده اوشبو ولایت‌ده آلمه محصوللری نینگ کوپه‌یگنی اصلی سببی، ایکینچیلر نینگ معلومات سطحی کوپه‌یگنی دیر.
اونینگ کوپه‌یتیریشیچه، شونینگدیک اوتگن ییل هم میدان‌وردک‌ده قریب ۸۵ مینگ تُن آلمه و ۱۰ مینگ تُن زردآلو ییتیشگن دیر.