افغانستان مرکزی بانکی مسئوللری، بوگون (چهارشنبه، ۱۸-اسد)، دولت نینگ ملت گه حساب بیریش برنامه‌سیده ایتیشلریچه، جاری قویاش ییل‌ده مملکت‌ده تورم نرخی، اوتگن بیر ییل گه قره‌گنده قریب آلتی فایز کمه‌یگن.
اوشبو بانک مسئوللری نینگ معلوماتی اساسیده، حاضر ایسه مملکت‌ده تورم نرخی «سلبی ۲.۸» فایز دیر و بو رقم اوتگن قویاش ییل‌ده ۳.۵ فایز ایدی.
افغانستان مرکزی بانکی مسئوللری، خارجی پول‌لر برابریده افغانی پول ارزشی نی سقلش، مملکت‌دن تشقی گه پول قاچاقی آلدی آلینیشی، پول انتقالی خصوصیده وضع بولگن چیکلاو‌لر، مملکت‌ده تورم نرخی نینگ کمه‌یگنی سبب‌لریدن عنوان قیله‌دیلر.
بیزلرنینگ فیسبوک صحیفه‌میزگه باش اورینگ!
افغانستان مرکزی بانک پولی سیاست عمومی رئیسی احمدجواد سداد نینگ ایتیشیچه: «احصائیه و معلومات ملی اداره‌سی‌دن قولیمیزده قرار تاپگن ارقام اساسیده، ثور آیی‌ده تورم نرخی ۱۴۰۲دن ۲.۸ فایز گه ییتیشگن.»
شو بیلن بیرگه، مرکزی بانک مسئوللری نینگ کوپه‌یتیریشلریچه، اوتگن بیر ییل‌ده افغانی پول خارجی پول‌لر برابریده ۴.۴ فایز قیمت‌لشگن. اوشبو بانک مسئوللری گه کوره، خارجی پول برابریده افغانی پول ارزشی نی سقلش، مملکت‌ده تورم کمه‌یشی خصوصیده اونملی رولی بار دیر.
مرکزی بانک مسئوللری، خارجی پول‌لر برابریده افغانی پول ارزشی نی سقلش اوچون ایشانچ بیریب و اورغولشیچه، ینگی چاپ بولگن پول‌لر نینگ ارایه قیلینیشی بیلن بازار‌ده ایسکیرگن پول‌لر موجود‌لیگی‌دن بولگن شکایت‌لر نینگ حل قیلینیشی ممکن.
افغانستان مرکزی بانکی سرپرستی هدایت‌الله بدری نینگ ایتیشیچه: «افغانستان مرکزی بانکی اوتگن بیر ییل‌ده، درست پولی سیاست نی تطبیق قیلیش بیلن خارجی پول برابریده افغانی پول ارزشی نی سقله‌گن و بو توغریده فایده‌لی اقدام‌لر نی هم قولگه آلگن دیر.»
عین حالده، مملکت‌ده بانکی سیستم اسلام امیر‌لیگی نینگ قیته قدرت گه ایریشگنیدن کیین، نورمال حالتی گه قیتمه‌گن.
بو توغریده مرکزی بانک مسئوللری نینگ ایتیشلریچه، مملکت بانکی سیستمی‌ده‌گی موجود بانکی قیین‌چیلیک‌لر نی بیراز حل قیلگنلر.
بیزلرنینگ توییترده هم تعقیب قیلینگ!
مرکزی بانک نینگ اسلامی بانکدارلیک عمومی رئیسی محمد‌یوسف سلیم نینگ ایتیشیچه: «بانکی قیین‌چیلیک‌لردن بیرازی حل بولگن. انفرادی حساب‌لر ایگه‌لری تورت‌یوز دالر آلیشلری بیرحالده، حاضر ایسه انفرادی حساب‌لر ایگه‌لری بیر هفته‌ده آلتی‌یوز دالر نینگ آلیشلری ممکن.
ایتیش کیره‌ک که، افغانستان ده اسلام امیر‌لیگی نینگ قدرت گه ایریشگنیدن کیین، اوشبو بانک نینگ میلیارد‌لرچه دالری موزلنگن و بو آره‌ده مرکزی بانک سرمایه‌سیدن ۳.۵ میلیارد دالری ایسه آمریکا تامانیدن موزلنیب و سویس نینگ امانی صندیغی‌ده سقلنه‌دی.
