هرات، فراه و نیمروز ولایت‌لر نینگ بیر قطار اهالیسی، ایران دن وارد ایتیلگن برق پرچاوی‌لیگیدن شکایت قیلیب ایتیشلریچه، بیر کیچه_کوندوز ده اکثر ساعت‌لر برق‌لری یوق دیر.
فراه ولایتی یشاوچیسی شاه‌محمد صمدی و نیمروز یشاوچیسی سلیم، اوشبو ولایت‌لر ده برق پرچاوی‌لیگیدن شکایت قیله‌دیلر.
شاه‌محمد صمدی نینگ ایتیشیچه: «فراه ده برق پرچاوی‌لیگی کوپ دیر و بو ولایت نینگ اهالیسی حتا بیر ساعت برق دن فایده‌لنه آلمه‌یدی. اسلام امیرلیگی دن فراه یشاوچیلرینی برق بیلن تأمینلش اوچون بخش‌آباد توغانینی باره‌سیده دقت قیلیشنی ایسته‌یمیز.»
بیزلرنینگ فیسبوک صحیفه‌میزگه باش اورینگ!
سلیم گه کوره: «بیر کونده ایکی مرته برق کیته‌دی و ایشیمیز قاله‌دی. جنراتور ساتیب آلیش توانیمیز یوق و اسلام امیرلیگی دن برق قیینچیلیگینی حل قیلیشنی طلب قیله‌میز.»
هرات صناعت و کان‌لر اتاقی باشلیغی حمیدالله خادم نینگ ایتیشیچه، مذکور ولایت ده ایران تامانیدن وارد ایتیلگن برق بیر هفته ده نیچه مرته کیسیله‌دی و بو مسئله باعث اونلب صناعتی شرکت‌لر ۱۰۰ مینگ دالر دن آرتیق مالی زیان کورگنلر.
هرات صناعت و کان‌لر اتاقی باشلیغی نینگ کوپه‌یتیریشیچه: «هفته ده نیچه مرته ایران تامانیدن برق کیسیله‌دی و هر مرته یوزلب مینگ دالر زیان کوره‌میز.»
افغانستان برشنا شرکتی مسئوللری گه کوره، مملکت نینگ غربی ولایت‌لریده برق قیینچیلیگینی حل قیلیش اوچون سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
برشنا شرکتی سوزلاوچیسی حکمت‌الله میوندی نینگ ایتیشیچه: «هرات زونی ده دایمی برق اوچون ۱۷۱ میگاوات برق کیره‌ک.»
برچه‌سی بیلن، سوو و برق وزیرلیگی مسئوللری گه کوره، غربی ولایت‌لر نینگ برق پرچاوی‌سی قیینچیلیگی حلی اوچون اسلام امیرلیگی نینگ هیئتی ایران گه سفر قیلیشی کوتیله‌دی.
