ساغلیق نی سقلش وزیرلیگی بوگون (دوشنبه، ۲۵-ثور)، کابل، ننگرهار، کنر، لغمان و نورستان شامل مملکت نینگ ۲۳ ولایتیده پولیو گه قرشی ایملش کمپاینی باشلگنی‌دن خبر بیرگن.
اوشبو وزیرلیک سوزلاوچیسی شرافت‌زمان امرخیل نینگ سلام‌وطندار گه ایتیشیچه، اوشبو کمپاین نینگ پنج‌شنبه کونگچه دوام تاپیشی ممکن.
ساغلیق نی سقلش وزیرلیگی سوزلاوچیسی نینگ کوپه‌یتیریشیچه: «بوگون پولیو گه قرشی ایملش کمپاینی مملکت نینگ ۲۳ ولایتیده و ۲۱۷ تومن‌ده تطبیق بوله‌دی. اوشبو کمپاین‌‌ده ۵ یاش نی تولدیرمه‌گن ۶ میلیون ۴۰۰ مینگ باله نینگ پولیو گه قرشی ایملنیشی ممکن.»
بیزلرنینگ توییترده هم تعقیب قیلینگ!
ساغلیق نی سقلش وزیرلیگی مسئوللری نینگ ایتیش‌لریچه، اوشبو وزیرلیک واکسیناتورلری اوی‌مه-اوی و مسجد‌لر گه باریب و بیش یاش نی تولدیرمه‌گن باله‌لر نی واکسین قیله‌دیلر.
شوندهی بیرحالده، پولیو واکسینی نینگ باله‌لر کیله‌جگی اوچون فایده‌لی بیله‌دیگن کابل یشاوچیسی مروه نینگ ایتیشیچه، باله‌لر نینگ پولیو گه قرشی ایملنیشی اونملی دیر و شونینگدیک جینی نینگ کیله‌جک‌ده فلج بولمه‌یشی اوچون واکسین قیلدیرگن.
اونینگ کوپه‌یتیریشیچه: «واکسین قیلووچیلر اوی‌‌میز گه کیلدیلر و جینیم نی پولیو گه قرشی ایملنیشی اوچون آلیب باردیم، چونکه اوشبو واکسین باله‌لر فلج کسل‌لیگیدن توسیق بولیش اوچون فایده‌لی دیر.»
شونینگدیک ننگرهار نینگ ایکینچی ناحیه یشاوچیسی بولمیش کریم، اهالی‌دن باله‌لری نینگ پولیو گه قرشی ایملنیشی نی ایسته‌یدی.
شوندهی بیرحالده، ولایت‌لردن قطاری‌ده مملکت یشاوچیلریدن بیر قطاری باله‌لری نینگ پولیو گه قرشی ایملنیشی گه رخصت بیرمه‌یدیلر.
ساغلیق نی سقلش وزرلیگی نینگ سابق معینی احمد‌جان نعیم نینگ ایتیشیچه، ساغلیق نی سقلش وزیرلیگی تورلی ولایت‌‌لرده پولیو گه قرشی ایملنیش کمپاینی حقیده، یشاوچیلر گه معلومات بیریش کمپاین‌لری نی یولگه قوییشی کیره‌ک.
جناب نعیم نینگ کوپه‌یتیریشیچه: «حاضرگچه جنوبی ولایت‌لردن قطاری‌ده اهالی نینگ ساغلیق نی سقلش وزیرلیگی واکسیناتورلری خصوصیده معلومات‌سیزلیگی سبب، باله‌لری نی واکسین قیلمه‌یدیلر.»
شوندهی بیرحالده، دین عالم‌لردن قطاری عایله‌لردن باله‌لر نینگ پولیو گه قرشی ایملنیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
دین عالم‌لریدن عبدالحق انس نینگ ایتیشیچه: « عایله‌لردن باله‌لری نینگ فلج‌لیک‌دن قوتقریلیشی اوچون پولیو گه قرشی ایملنیشی ایسته‌یمیز.»
عین حالده، افغانستان و پاکستان دنیا بویلب باله‌لر فلجی کسل‌لیگی بوتونلی یوق بولمه‌گن مملکت‌لردن سنله‌دی.
ایتیش کیره‌ک که، ۲۰۲۲-ییل‌ده مملکت‌‌ده باله‌لر فلجی کسل‌لیگی نینگ ایکی مثبت واقعه‌سی بیری پکتیکا و باشقه بیری ایسه کنر ده ثبت بولگن و شونینگدیک بو ییل هم ننگرهار ده مثبت بیر واقعه ثبت بولگن.
