بیرلشگن ملتلر تشکیلاتی نینگ انسان پرورلیک یاردم‌لرنی هماهنگ قیلووچی اداره‌سی (اوچا) اوشبو نهاد نینگ ویب‌سایتی گه گزارش ترقه‌تیب یازیشیچه، افغانستان نینگ بیرقطار ولایت‌لریده سۉنگی ایکّی کونده‌گی یاغینچیلیک‌لر ییتّی ولایتده ۴۵۰ یشش اوی و بیر مینگ ۵۰۰ ایکینچیلیک ییرنی بوزیش گه قوشیمچه ۴۵۰ کیلومتر سرک نینگ زیان کوریشی گه سبب بولگن.
اوچا نینگ گزارشی بیر بولیمیده کېلیشیچه: «۲۹ و ۳۰ مارچ کون‌لری افغانستان بویلب کوچلی یاغینچیلک‌لر بیر مینگ ۵۰۰ ایکینچیلیک ییر و ۵۴۰ دن آرتیق یشش اوی بوزیلیشی گه سبب بولگن؛ ییتّی ولایتده آلتی کوپریک و ۴۵۰ کیلومتر سرک زیان کورگن؛ انسان پرورلیک یاردم بیرووچی شریک‌لریمیز حکومت رسمی‌لری جمله‌دن طبیعی آفت‌لرنی باشقریش دولت وزیرلیگی نینگ اویغون‌لیگی بیلن زیان کورگن منطقه یشاوچیلری گه یاردم کورسه‌تیش اوچوم تلاش قیلماقده‌لر.»
اوچا گه کوره، سۉنگی یاغینچیلیک و سوو تاشقین‌لری عاقبتیده فاریاب، ننگرهار، دایکندی، شمالی، شرقی و مرکزی ولایت‌لر اهالیسی کوپراق زیان کورگنلر.
بیزلرنینگ فیسبوک صحیفه‌میزگه باش اورینگ!
شو بیلن بیرگه، یاغینچیلیک و سوو تاشقین‌لری طفیلی یشش اوی‌لری، ایکینچیلیک ییرلری و باغ‌لری بوزیلگن ولایت یشاوچیلری، حکومت و یاردم بیرووچی نهادلردن تېزلیک بیلن اولر گه یاردم بیریش‌لرینی اېسته‌یدیلر.
بادغیس ولایتی زرگرها و مقر منطقه‌لر یشاوچیلری محمدعارف و خدای‌رام نینگ سلام‌وطندار گه ایتیشلریچه، سوو تاشقینی طفیلی یشش اوی‌لری بوزیلگن و حاضر باش پنه‌سیز بولگنلر.
بادغیس ولایتی زگرهار قیشلاغی یشاوچیسی محمدعارف گه کوره: «یاغیچیلیک کیچه باشلندی، توفان اوی‌لر ایچیگه کېریب کېلدی و اوسکونه‌لرنی چیقره آلمه‌یدیک یالغیز باله‌لریمیزنی چیقریش گه اۉلگوردیک و باشقه نرسه سوو آلیب کېتدی.»
شونینگدیک بادغیس ولایتی مقر تومنی یشاوچیسی خدای‌رام نینگ ایتیشیچه: «قیزیم نینگ توی اوچون آلینگن برچه نرسه توپراق آستیگه قالدی؛ ۶۰۰ مینگ زیان یېتکزگن و ییرلریم بوزیلیب و دیوارلر چپه بولگن.»
بیزلرنینگ «ایکس» ترماغی ده هم تعقیب قیلینگ!
بدخشان و دایکندی ولایت‌لری یشاوچیلریدن قدرت‌الله و ضامن، سرپرست حکومت نینگ یاردم‌لری یېتیب بارمسلیگیدن نالیدیلر.
بدخشان یشاوچیسی قدرت‌الله گه کوره: «اېرتنگ بامداد نمازی اوچون مسجد بارماقده اېدیم، باله‌لریم اوی ده اوخلب یاتگندیلر، تام قوله‌دی قۉشنی‌لریمیز خبر بولیب اولرنی قوتقردی، حاضرگچه هېچ یاردم بیرگن یوق، اوی‌لریمیز اېسکی اېدی.»
دایکندی یشاوچیلریدن بیری ضامن نینگ ایتیشیچه: «درخت‌لرنی چپه، ییر و سابقه‌لی یشش اوی‌لرنی بوزگن، سربندلر، میوه‌لی و میوه‌سیز درخت‌لرنی آلیب کېتگن.»
عین‌حالده، مارچ بیرینچی کون‌لریده کوچلی قار و یامغیر یاغیشی و سوو تاشقین‌لری عاقبتیده مملکت نینگ اېریم منطقه‌لریده ۶۰ کیشی قربان بولیب و بیر مینگ ۶۵۴ یشش اوی بوزیلگندی.
هر ییلی مملکت نینگ تورلی منطقه‌لریده کوچلی قار و یامغیر یاغیشی، ستندر شکلده قوریلمه‌گن یشش اوی‌لر نینگ تامی قولشی گه سبب بولیب و شونینگدیک سوو تاشقین‌لری عاقبتیده بیر قنچه ایکینچیلیک ییرلر بوزیلیب و بیر قطار یشاوچیلر اۉز جان‌لرینی قول‌دن بیره‌دیلر.