افغانستان ده اوقووچی قیزلر یوزی گه مکتب‌لر آچیلیشی و میلیون‌لرچه قیز نینگ تعلیم دن محروم بولیشی گه چیک قوییش، مملکت یشاوچیلری نینگ اسلام امیرلیگی حکومتی دن بولگن یگانه ایسته‌گی دیر.
اولکه یشاوچیلری، اسلام امیرلیگی دن قیزلر نینگ تعلیم دن محروم قیلیش قراری گه چیک قوییشنی ایسته‌سه‌لرده، بیراق اسلام امیرلیگی حاضرگچه مملکت یشاوچیلری نینگ اوشبو طلبی گه دقت قیلمه‌ی، مکتب و بیلیم یورت‌لر ایشیگینی قیزلر یوزی گه آچمه‌گن.
اوقووچی قیزلر یوزی گه تعلیمی مرکزلر آچیلیشی گه دایر طلب‌لر دوام ایتر ایکن، سونگی کون‌لرده اسلام امیرلیگی رسمی‌لری افغانستان نینگ ولایتلری گه قیلگن سفرلری ده اوشبو طلب‌لر بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
نیچه کون آلدین، اسلام امیرلیگی سوزلاوچیسی ذبیح‌الله مجاهد، مملکت غربی ده هرات ولایتی گه قیلگن رسمی سفری ده، مذکور ولایت فرهنگی فعاللریدن بیری هرات اهالیسی نماینده‌لیگیدن، مجاهد جنابلری دن اوقووچی قیزلر یوزی گه مکتب‌لر ایشیگی آچیلیشینی طلب قیلگن.
بو طلب، یک‌شنبه کونی، ۱۵ اسد، اسلام امیرلیگی ایچکی ایشلر وزیرلیگی نینگ سرپرستی سراج‌الدین حقانی ننگرهار گه قیلگن سفری ده، اوشبو ولایت فعاللریدن بیری تامانیدن تکرار بولدی.
سرپرست حکومت ایچکی ایشلر وزیرلیگی نینگ سرپرستی سراج‌الدین حقانی، ننگرهار ده اوشبو طلب گه جواب ایتیشیچه، بو طلب نی اسلام امیرلیگی رهبریتی بیلن شریک قیله‌دی. البته بوندن آلدین ایچکی ایشلر وزیرلیگی سرپرستی، خوست ولایتیده‌گی بیاناتیده اوقووچی قیزلر یوزی گه مکتب‌لر آچیلیشی اوچون سعی‌وحرکت قیلماقده‌لیکلرینی ایتگن ایدی.
بیراق سرپرست حکومت سوزلاوچیلری، آلتینچی صنف دن یوقاری اوقووچی قیزلر نینگ تقدیری باره‌سیده هیچ فکر-ملاحظه بیلدیرمه‌یدیلر.
اوقووچی قیزلر یوزی گه عالی درگاه‌لر ایشیگی آچیلیشی گه دایر کوپ سعی‌وحرکت‌لر بیلن، اسلام امیرلیگی بوتوغریده‌گی قرارینی حاضرگچه بیکار قیلمه‌گن، بلکه افغانستان ده‌گی خاتین قیزلر گه قرشی چیکلاولرینی کوچه‌یتیرگن.
عیال حقوقی فعالی حسنا روفی نینگ ایتیشیچه: «اوقووچی قیزلر یوزی گه مکتب‌لر آچیلیشینی ایتر ایدیلر، لیکن قیزلر یوزی گه بیلیم یورت ایشیگی یاپیلدی، اولر یوزی گه بیلیم یورت‌لر آچیلیشینی کوتر ایدیک، مؤسسه‌لر نینگ عیال ایشلاوچیلری ایش دن محروم بولدی، تأسف بیلن چیکلاولردن کیین قیزلر یوزی گه مکتب‌لر آچیلیش میش_میش‌لری ترقه له‌دی.»
بیزلرنینگ توییترده هم تعقیب قیلینگ!
ینگی‌لیکده یونسکو، حاضر افغانستان شامل دنیا بویلب، چمه‌سی ۱۱۸ میلیون قیز تعلیم دن محروم‌لیگینی اعلام قیلگن.
دنیا بویلب افغانستان، قیزلر تعلیم دن محروم بولگن یگانه مملکت دیر. ینگی‌لیکده افغانستان نینگ قطار ولایت‌لریده ترقه‌لگن میش-میش‌لر گه کوره، اون یاشنی تولدیرگن و بوی‌لری اوزون بولگن قیزلر، مکتب باریش دن محروم بولگنلر.
عیال حقوقی فعاللریدن باشقه بیری سوسن خالق‌یار گه کوره: «اسلام امیرلیگی نینگ بیرگن وعده‌لری و قیلگن ایشلری فرقلی دیر، هیچ وعده‌لرینی عملی قیلمه‌گن و هر کونی عیاللر گه قرشی چیکلاولر کوچه‌یتیریلماقده.»
اسلام امیرلیگی بوندن آلدین، قیزلر یوزی گه مکتب‌لر یاپیق قالیش سببینی، قیزلر نینگ تعلیمی نصابی اوستیده ایشلش عنوان قیلگن ایدیلر، لیکن حاضرگچه تعلیمی نصاب‌لریدن هیچ خبر یوق.
