قویاش چیقیب، شهر استه-سیکین اویغانهیاتگن پیتده، توپراقلی کوچهلردن بیرینینگ چیکهسیده بیر کیشی یاریق قوللری بیلن توپراق و سوونی ارهلشتیریب، بوغداینینگ هیدینی دسترخوانلر گه آلیب بارهدی.
۵۰ یاشر غلامنبی، تندیرسازلیکنی آتهسیدن اورگنگن و ییللردن بیری پروان مرکزی، چاریکار شهرینینگ بیر چیکهسیده، اوشبو یول آرقهلی عایله احتیاجلرینی تأمینلب کېلماقده.
اونینگ ایتیشیچه: «۳۰-۳۵ ییلدن بیری شو ایش بیلن شغللنیب کېلماقده من. توپراغی سودا دیر؛ اېلهنیب و کېین اېسه پیشیریلهدی و کېلهسی کونی تندیر یسلهدی.»
بیزلرنینگ فیسبوک صحیفهمیزگه باش اورینگ!
غلامنبی اوچون، تندیر فقط نان یایش اوچون اسباب اېمس، هر بیر تندیر اونینگ نظریده صبر رمزی و ییر بیلن مضمونلی بیر علاقه حسابلنهدی. چکاریکار شهریده اوشبو تندیرساز نینگ ایتیشیچه، بعضیده بغلان و قندوز ولایتلریدن هم بویورتمه آلهدی. اونینگ کوپهیتیریشیچه: «پلخمری و قندوزدن بویورتمه آلهمیز، اوچ مینگ و تورت مینگ دیر؛ کتّه و کیچیگی بار.»
بو کیشی، عمرینینگ یریمیدن کوپینی تندیر یسش گه صرفلهگن بولسهده، حیاتنینگ پست-بلندلیکلری سبب، محنتنی عوضیگه قولگه کېریتگن درآمدی هر دایم عایلهسینینگ احتیاجلرینی قاپلش گه یېترلی بولمهگن.
اونگه کوره: «۲۰-۲۲ کیشینینگ احتیاجلرینی شو یول بیلن تأمینلهی من. اۉزگریش کېلدی، غریبچیلیک یوق اېدی. ایکی یریم ییل اجاره پولیدن تاوان تارتدیم. حاضر بیرینچی کونلر گه نسبتن یخشی دیر.»
بیزلرنینگ «ایکس» ترماغی ده هم تعقیب قیلینگ!
ایشنینگ مشقتلی بولیشی، سوو و لای بیلن یقین علاقهده بولیشیدن تنهسیگه ېیتهیاتگن ضرر و بازاردهگی ناقولیلیکلر غلامنبینی کېلهجک حقیده خواطر گه سالماقده. شونگه قرهمهی، او حیات خرهجتلرینی تأمینلش اوچون باشقه یولنی کورمهیپتی و مجبورن اۉز کسبی گه دوام اېتماقده. او ایشنینگ قیینلیگی حقیده شوندهی دیېدی: آخشم اوی بارگنده، نان آغزیمده اوخلب قالهمن. لای ایاغ و قوللریمنی اورهدی. باشقه ایش یوق شو ایشنی قیلیش گه مجبور میز.»
او ایش اسبابلرینی ییغیشتیرهدی، استاخانه ایشیگینی یاپهدی و تندیر یسشدن قالگن بیر آزگینه امید بیلن؛ اېرته گه ېنه تندیر یسش و اوی گه نان آلیب باریش اوچون کېزهدیگن یول بیلن اوی گه قیتهدی.
