افغانستان فوتبال فدراسیونی مسئوللری، بوگون (۱۷-دلو، چهارشنبه) کابلده خبری بیر ییغیلیشده، ایرانلیک افغانستان فوتسال ملی تیرمه جماعه مربیسی مجید مرتضایی، میلادی ۲۰۲۵-ییل گه قدر شرطنامهسینی اوزهتیرگنیدن خبر بیرگنلر.
افغانستان فوتبال فدراسیونی باشلیغی یوسف کارگر گه کوره، مرتضایی جنابلری اوتگن ییلی مملکت فوتسال تیرمه جماعهسینینگ یخشی نتیجهلر گه ایریشتیرگن و شرطنامهسی ېنه بیر ییل گه قدر اوزهیتیریلگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «مرتضایی جنابلرینینگ شرطنامهسی ېنه بیر ییل گه قدر اوزهیتیریلدی و باشقه تکلیفلر بیز گه کېلماقده، فوتبال و جسمانی تربیهلش فدراسیونی اولر گه ییترلی امکانیت یرهتیب بیرهدی و خلقارا کپده اورین ایگللش اوچون بارگندیک و هر قندهی تکلیفلری قبول بولگن.»
شو بیلن بیرگه، افغانستان فوتسال ملی تیرمه جماعه مربیسی مجید مرتضایی، اوشبو میلادی ییلده بیرلشگن عرب امیرلیگی، سعودی عربستان، مراکش و اینیقسه برازیل تورت تامانلمه تورنمنتی گه اشتراک اېتیشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
باشقه تاماندن، افغانستان فوتسال ملی تیرمه جماعهسینینگ دروازهبانلری، مملکت فوتسال جماعهسی اویینچیلرینینگ تیریکچیلیک احوالیدن خواطر بیلدیریب، بو اویینچیلرنینگ کوپینچهسی ایشلاوچی بولیب و قوللب-قوتلنیش گه احتیاجلری بولگنینی اېتهدیلر.
اوتگن میلادی ییلده، افغانستان فوتسال ملی تیرمه جماعهسی، ۲۰۲۴-ییل آسیا ملتلر کپی مسابقهلریده حذفی باسقیچ گه صعود قیلیب و دنیا ۱۶ جماعهسی آرهسیده یول تاپدی.
