سلاموطندارنینگ یوکسک اوقوو حجتی و لیسانس حجتی‌گه ایگه بولگن تورت ییگیت بیلن اوتکزگن صحبتی اساسیده، اولر لیسانس و ماسترلیک درجه‌سیگه قدر اوقیگنلری بیرحالده؛ بیراق آزاد ایش بیلن شغللنگنلر.
دری تیلی و ادبیات فاکولته‌سی بوییچه یوکسک اوقوو حجتی‌گه ایگه بولگن پروان یشاوچیسی عبدالرب رحیمی‌نینگ ایتیشیچه، کیله‌جگی اوچون ییل‌لر سعی‌وحرکت قیلگن؛ بیراق حاضر ایسه تحصیل کورگن بولیمی‌ده ایش زمینه‌سی یره‌تیلمه‌گنی سبب، تیکووچیلیککه یوز کیلتیرگن. «ییتی باله‌م بار که هر بیری اوقووچی و طلبه دیر. بیر آته صفتیده ایشلش‌گه مجبور‌مین؛ باشقه چاره‌م یوق.»
رحیمی‌نینگ کوپه‌یتیریشیچه، جمعیت‌ده‌گی اورنی‌گه قرشی اهالی فکری اونینگ اذیت قیله‌دی. «آلتی یاشرلیک‌دن درس اوقیدیم؛ تیکووچیلیک نی هم اورگندیم؛ بیراق حاضر اهالی‌نینگ فکری مینی اذیت قیله‌دی که کوره‌دیلر تحصیل قیلگن بیری مجبور‌لیک‌دن تیکووچیلیککه یوز کیلتیرگن.»
بیزلرنینگ «ایکس» ترماغی ده هم تعقیب قیلینگ!
مذکور ییگیت‌نینگ اورغولشیچه، برچه قیینچیلیکلر بیلن ینه هم ایسته‌کلرینی قولگه کیلتیریش اوچون سعی‌وحرکت قیله‌دی. «دکترلیک درجه‌سینی آلیب و بیلیم یورت‌لردن بیری‌ده درس بیریش و اهالی‌گه خذمت قیلیش‌نی ایسته‌یمن.»
شونینگدیک کابل یشاوچیسی احمد‌نینگ ایتیشیچه، بیش ییل آلدین فقه بولیمی‌ده یوکسک اوقوو حجتی‌نی قولگه کیلتیرگن؛ بیراق حاضرگچه تحصیل کورگن بولیمی‌ده ایش تاپه آلمه‌گن. «عالی اوقووگه ایگه بولگنیم بیلن؛ بیراق ایش زمینه‌سی یره‌تیلمه‌گن. تحصیل نی بیتیرگنیم‌دن کیین بیش ییل ایش اختردیم؛ لیکن نه جمهوریت و نه امارت‌ده ایش تاپه آلمه‌دیم.»
احمد‌نینگ کوپه‌یتیریشیچه، افغانستان‌نینگ قیین وضعیتی ییگیت‌لردن کوپینچه‌سینی، ایسته‌کلری گه قرشی آغیر ایشلر بیلن شغللنیش‌گه مجبور قیلگن. «مملکت‌نینگ حاضرگی وضعیتی بیزلر گه تاثیر قویگن؛ شو ایشگه قناعت قیله‌میز؛ مجبور‌میز، باشقه یولیمیز یوق. ییگیت‌لردن کوپینچه‌سی درس اوقیگنلری بولیم‌لرده ایش آلالمه‌یدیلر.»
حقوق و گرافیک دیزاین بولیم‌لریده لیسانس حجتی‌گه ایگه بولگن کابل یشاوچیلریدن روهیداحمد‌نینگ ایتیشیچه، جمهوریت توزومی قوله‌شی و تحصیل قیلگن بولیم‌لریده ایش تاپیش‌دن ناامید بولگنی‌دن کیین؛ سبزه‌وات ساتیش‌گه یوز کیلتیرگن. «توزوم اوزگرگنی‌دن کیین، بیر نیچه وقت بیر ییرده ایش‌له‌دیم؛ بیراق آیلیک بیرمه‌دیلر و ایش‌نی ترک قیلیش‌گه مجبور بولدیم و آزاد ایش گه یوز کیلتیردیم. دوست‌لریم و یقین‌داشلریمیز مین گه فرقلی قره‌شه‌دی و بو وضعیت مین‌گه تاثیر قویگن.»
ارتباطات بولیمی‌ده یوکسک اوقوو حجتی‌گه ایگه بولگن بامیان یشاوچیسی بشیر فروغ‌نینگ ایتیشیچه: «تحصیل‌نینگ اوزیگه لایق قیین‌چیلیکلری بار؛ ییگیت‌لردن ایسته‌یمن که اوزلریمیز حرکت قیله‌یلیک؛ دولت‌نی کوتیب تورمه‌یلیک، کوپینچه یوقاری فرصت‌لرنی کوتیب تورمه‌یلیک و اوزلریمیز‌گه فرصت یره‌ته‌یلیک.»
کابل تعلیم و تربیه بیلیم یورت استادی سردارمحمد ساعی‌نینگ ایتیشیچه، تعلیم دستورلرینی قیته کوریب چیقیش، افغانستان ده ایش‌سیزلیک قیین‌چیلیگی‌نی حل قیله آله‌دی. اونینگ کوپه‌یتیریشیچه: «ایش بازاری‌نینگ حقیقی نیازلری اساسیده تعلیمی دستورلرینی تیارش، اجتماعی مهارت‌لرنی کوچلنتیریش، ایش مصلحتلری، تحصیلی رهبرلیک، تدبیرکارلیک‌نی رواجلنتیریش، صناعت و بیلیم یورت‌لر آره‌سیده علاقه‌لرنی کوچلنتیریش، ایش بازاری نیازی و تعلیمی توزوم آره‌سیده مناسبت‌لر‌نینگ یخشی‌لنتیریشی ممکن.»
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانی شاکر یعقوبی‌نینگ ایتیشیچه، تحصیل کورگن ییگیت‌لر‌نینگ آغیر ایشلر بیلن شغللنیشی، اجتماعی و اقتصادی بویوک قیینچیلیکلردن دیر و بو پروسه‌نینگ دوام قیلگنی، سلبی عاقبتلر گه ایگه بوله‌دی. «بو پروسه‌نینگ دوام قیلگنی جمعیت و اقتصاد اوچون سلبی عاقبتلر جمله‌دن نارسمی اقتصاد مستحکم‌لنیشی، اقتصادی ایشلر کمه‌یشی و ییگیتلر مهاجرتی‌نینگ کوپه‌یشی ممکن.»
ایش و اجتماعی ایشلر وزیرلیگی سوزلاوچیسی سمیع‌الله ابراهیمی‌نینگ ایتیشیچه، تحصیل کورگن ییگیتلر اوچون آزاد رقابت آرقه‌لی ایش بست‌لری اعلام بولگن. «امارتی اداره‌لر یانیده ایش فرصت‌لری یره‌تیلیشی و ایش‌سیزلیک کمه‌یشی اوچون، خصوصی سکتورلرده ییترلی آسایشته‌لیکلر یره‌تیلشی خصوصیده سعی‌وحرکت قیله‌میز که بو یول آرقه‌لی ایش فرصت‌لرینی یره‌ته آلسک.»
سونگی ییل‌لر و افغانستان ده اقتصادی و سیاسی اوزگریشلر بیلن، ایش‌سیزلیک بویوک قیینچیلیکلردن بیری‌گه اوزگرگن. ییگیت‌لردن قطاری عالی اوقوو گه ایگه بولگنلری بیرحالده، اوزلریگه ایش تاپه آلمه‌یدیلر.
