ونزویلا سابق جمهور باشلیغی نیکلاس مادورو، امریکا گه آلیب باریلگنیدن سونگ، نیویارک محکمهسیده حضور تاپیب «گناهسیز» و قولگه آلینیش نی «اوغیرلنیش» اتهگن.
مادورو، امریکا تامانیدن «نارکو تروریزم» و باشقه عیبلاولرنی رد ایتگن. او اوغیرلنیب و گناهسیز بولگنینی قوشیمچه قیلگن.
مادورونینگ وکیلری، اونینگ حبس گه آلینیشی ناقانونی ایکنینی تأکیدلب، او مستقل دولت رهبری صفتیدهگی مقامیگه کوره، قضایی مصونیت گه ایگه ایکنینی بیلدیرگن؛ گرچی امریکا اونی ونزویلانینگ قانونی رهبری صفتیده تن آلمسه هم.
مادورو و تورموش اورتاغینینگ محکمهسی، ۱۶-جدی/ ۵-جنوری، دوشبه کونی نیویارکده اوتکزیلدی. محکمه قاضیسی اولرنینگ کیینگی جلسهسی ۱۷-مارچده اوتکزیلیشینی بیلگیلهگن.
امریکا تامانیدن مادورو حبس گه آلینیشی خلقارا مناسبتلر گه سبب بولگن. بیرلشگن ملتلر تشکیلاتی باش کاتبی خلقارا حقوق نقض ایتیلگنیدن خواطر بیلدیرگن، روسیه، چین، فرانسه و کلمبیا هم بو حرکتنی قارهلب و یامان عاقبتلری حقیده آگاهلنتیریشگن.
