لوگر ایکینچیلریدن قطاری نینگ ایتیشلریچه، اوشبو ولایت‌ده پیاز نینگ سقلش اوچون ماس مکان یوقلیگی، اولر نی قیین‌چیلیک بیلن روپه‌ره قیلگن.
ایکینچیلر نینگ کوپه‌یتیریشلریچه، گرچند لوگر ده پیاز ایکینی اوتگن ییل‌لر گه قره‌گنده کوپه‌یگن؛ بیراق پیاز نینگ سقلش اوچون ستندرد ساووقخانه و ماس بازار یوقلیگی سبب، هر ییل محصوللری نینگ آز قیمت بیلن ساتیش گه مجبورلر. اولر سرپرست حکومت‌دن محصوللری نینگ سقلش اوچون، اوشبو ولایت تومن‌لریده ستندرد ساووقخانه توزه‌تیلیشی نی ایسته‌یدیلر.
لوگر مرکزی پل‌علم شهری نینگ «پشتون‌آباد» منطقه ایکینچیلریدن قطب‌الدین نینگ ایتیشیچه، حاضر ایسه اوشبو ولایت‌ده بیر سیر پیاز، ۶۰ افغانی ساتیله‌دی که، بو مقدار بیلن حتا اونینگ ایکیلیش خره‌جتی هم تامین بولمه‌یدی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ساووقخانه یوق. جمهوریت حکومتی‌ده بیر قطار خصوصی ساووق‌لر ایجاد بولگن ایدی که، حاضر ایسه فعالیت‌دن قالگن. هر بیر تومن‌ده ستندرد ساووقخانه ایجاد بولینیشی ایسته‌یمیز.»
ایکینچیلیک ایشلری بوییچه ایش بیلرمان‌لریدن قطاری نینگ ایتیشلریچه، حاضر لوگر ده باغ‌دارلر و ایکینچیلر نینگ بویوک قیین‌چیلیگی، ایچکی و خلق‌ارا ماس بازار و ساووقخانه یوقلیگی دیر.
لوگر ایکینچیلیک ایشلری بوییچه ایش بیلرمانی شرف‌الدین نینگ ایتیشلریچه، ایکینچیلیک، سووغاریش و چاروه‌چیلیک وزیرلیگی اوشبو ولایت‌ده باغ‌دارلر و ایکینچیلر گه یاردم بیریش اوچون، ستندرد ساووق‌لر توزه‌تیب و محصوللری نینگ ساتیلیشی اوچون ماس بازار ایجاد بولینیشی نی ایسته‌یدیلر. اونینگ کوپه‌یتیریشیچه: «بو ییل لوگر ولایتی نینگ بیر قطار تومن‌لریده پیاز ایکیلگن. قیغو بیلن پیاز نینگ بازاری یخشی ایمس. پیازلر بازار گه کیلگن و بیر سیر قیمتی ایسه ۳۰-۴۰ افغانی دیر که، حتا ایکینچیلر نینگ خره‌جتی نی چیقرمه‌یدی. حکومت حاضرگچه اولر گه یاردم بیرمه‌گن.»
لوگر ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت نینگ تورلی تومن‌لریده پیاز نینگ سقلش اوچون قریب ۱۷۱ کیچیک ساووقخانه توزه‌تیلگن دیر.
لوگر ایکینچیلیک ریاستی اورین‌باسری محمدرفیع ابراهیمی نینگ سلام‌وطندار گه ایتیشیچه: «لوگر ولایتی‌ده ۱۰ تُن امکانیت بیلن قریب ۱۷۱ کیچیک ساووقخانه ایجاد بولگن که، پل‌علم شهری‌ده ۸۵ ساووقخانه، بره‌کی برک تومنی‌ده ۵ ساووقخانه، محمد‌‌آغه تومنی‌ده ۷۲ ساووقخانه و چرخ تومنی‌ده ایسه ۹ ساووقخانه توزه‌تیلگن.»
ابراهیمی گه کوره، لوگر ده ساووق‌لر دستلبکی شکلده ایجاد بولگن و اوشبو ولایت ایکینچیلری نینگ نیازلری نی حل قیلیش اوچون ییترلی ایمس.
بیزلرنینگ توییترده هم تعقیب قیلینگ!
لوگر ایکینچیلیک ریاستی مسئوللری نینگ ایتیشلریچه، مذکور ولایت‌ده باغ‌دارلر و ایکینچیلر، نیازلری اساسیده ستندرد ساووقخانه توزه‌تیلیشی خصوصیده سعی و حرکت قیلماقده‌لر.
ایتیش کیره‌ک که، لوگر مملکت نینگ زراعتی ولایتلریدن حساب‌لنه‌دی که، یشاوچیلریدن کوپینچه‌سی ایکینچیلیک و چاروه‌چیلیک بیلن شغللنیب و بو یول آرقه‌لی حیات نیازلری نی تامین قیله‌دیلر.
