لوگر امنیه قوماندان‌لیگی مسئوللری نینگ ایتیشلریچه، اوشبو ولایت نینگ مرکزی پل‌علم شهری ده یوز بیرگن ترافیکی حادثه عاقبتیده، ۲ کیشی اولیب و باشقه ۲ کیشی یره‌لنگن.
لوگر امنیه قوماندان‌لیگی سوزلاوچیسی احمدالله انس نینگ سلام‌وطندار گه ایتیشیچه، مذکور حادثه اوتگن کون (سه‌شنبه، ۲۹ سنبله) پل‌علم شهری «جمعه قلعه» منطقه‌سیده یوز بیرگن که نتیجه ده بیر باله و بیر عیال هلاک بولیب و باشقه بیر باله و بیر عیال یره‌لنگن.
جناب انس گه کوره، اسلامی امارت کوچلری نینگ بیر رنجری دستلب «آلتو» رسوملی بیر موتر بیلن توقنشیب و کیین ایسه آمبولانس موتری بیلن توقنشگن.
بیزلرنینگ فیسبوک صحیفه‌میزگه باش اورینگ!
لوگر امنیه قوماندان‌لیگی سوزلاوچیسی نینگ کوپه‌یتیریشیچه، حادثه طفیلی یره‌دارلر خوفسیزلیک کوچلر تامانیدن لوگر ولایتی کسلخانه‌سیگه انتقال بیریلگن و یره‌لنگن باله نینگ احوالی آغیر دییلگن.
جناب انس گه کوره، مذکور حادثه هیداوچی نینگ دقت‌سیزلیگی باعث یوز بیرگن.
جمعه قلعه منطقه یشاوچیلری نینگ ایشانچی گه کوره، اوشبو حادثه رنجر هیداوچی نینگ دقت‌سیزلیگی باعث یوز بیرگن.
حادثه گواه‌لریدن بیری احسان‌الله نینگ سلام‌وطندار گه ایتیشیچه، رنجر موتری یول دن چیقیب، دستلب آلتو موتری و کیین ایسه آمبولانس بیلن توقنشگن.
عین‌حالده، سونگی کونلرده کابل_لوگر قتناو یولیده ترافیکی حادثه‌لر کوپه‌یگن.
بیزلرنینگ توییترده هم تعقیب قیلینگ!
لوگر یشاوچیلری، هیداوچیلر نینگ دقت‌سیزلیگینی، اوشبو ولایتده ترافیکی حادثه‌لر کوپه‌یش عاملی عنوان قیله‌دیلر.
ایتیش کیره‌ک که، اوتگن بیر آی ده، افغانستان بویلب ترافیکی حادثه کوپه‌یگن؛ یالغیز اوتگن بیر آی ده، مملکت نینگ ۱۳ ولایتیده یوز بیرگن ۴۳ ترافیکی حادثه ده، ۴۴ کیشی اولیب و باشقه ۱۰۷ کیشی یره‌لنگن.
