لوگر ولایتیده چاروهدارلردن قطارینینگ ایتیشلریچه، چاروهچیلیک محصوللری اینیقسه سوت ساتیش بیلن، عایله نیازلری و مالی قیینچیلیکلرینی تامین قیله آلگنلر.
لوگر مرکزی پلعلم شهریدهگی چاروهدارلردن احمدفوادنینگ سلاموطندار گه ایتیشیچه، چاروهلریدن کونده ۲۰ لیتر سوت قولگه کیلتیریب و اونینگ ساتیش بیلن عایله نیازلرینی تامینلهیدی. «ایکی سیگیریم بار و اولردن قولگه کیلتیرگنیم سوتنی ساتیب و عایله و حیات نیازلرینی تامینلهیمن. بو ایش ایشسیزلیکدن یخشی دیر.»
بیزلرنینگ فیسبوک صحیفهمیزگه باش اورینگ!
لوگر ولایتیده ایرککلر یانیده، عیاللر هم چاروهچیلیک ایشلری بیلن شغللنیب و بو یول آرقهلی درآمد قولگه کیلتیرهدیلر.
چاورهچیلیک ایشلری بیلن شغللنگن عیاللردن بیری رحیمه، بو یول آرقهلی اقتصادی قیینچیلیگینینگ حل قیلیشینی بیان قیلیب و ایتیشیچه: «لوگر یشاوچیلریدن کوپ قطاری چاورهچیلیک و ایکینچیلیک بیلن شغللنگن. مین هم چاروهچیلیک بولیمیده ایشلهیمن و عیاللردن کوپ قطاری بو بولیمده فعالیت قیلهدی و بو یول آرقهلی نیازلرینی تامینلهیدیلر. چاروهچیلیک فایدهلی بیر کسب دیر.»
شونینگدیک چاروهچی عیاللردن باشقه بیری سارا، مسئوللردن چاروهلرنینگ مسلکی شکلده سقلنیشی وچاروهچیلیک محصوللری ییغیلیشی اورگهتیلیشی و بو توغریده مصلحت بیریلیشینی ایستهب و ایتیشیچه: «ولایتیمیزده اونلب عیال چاروهچیلیک بیلن شغللنگن. کونده اونلب کیلوگران سوت قولگه کیلتیرهمیز و اونی بازار گه ساتهمیز. هر کیلوگرام سوت ۲۵-۲۷ افغانی ساتیلهدی. مسئوللردن چاروهچی عیاللرگه چاروهلر سقلنیشی و محصوللری ییغیلیشی توغریسیده تعلیم و مصلحت بیریلیشینی ایستهیمیز.»
لوگر ولایتیده چاروهچیلیک ایشلری بوییچه ایش بیلرمان عبدالحفیظ، سلاموطندار گه اوشبو ولایتنینگ چاروهلر سقلنیشی اوچون مناسب هوا گه ایگه بولگنی و اوتمیشگه قرهگنده چاروهچیلیک رواجلنگنینی بیان قیلیب و ایتیشیچه، ستندرد پروسس مرکزلری یوقلیگی سبب، کونده مینگلب کیلوگرام سوت آز قیمت بیلن باشقه ولایتلرگه یوباریلهدی.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «قولگه کیلهدیگن لبنیات لوگر ولایتیده مناسب شکلده پروسس بولگنی و کیین ایسه کابل و باشقه ولایتلرده اونینگ ساتیلیش یوللری اختریلگنی صورتده، لوگر ده چاروهچیلیک تولیدلری ایکی برابر بولیشی و کوپینچه فایدهسی بولیشی ممکن.»
شوندهی بیرحالده، لوگر ایکینچیلیک، سووغاریش و چاروهچیلیک ریاستینینگ مطبوعات مسئولی عبدالبصیر شاهد، مذکور ولایتده چاروهچیلیک رواجلنیشینی بیان قیلیب و اورغولشیچه، کونده قریب ۴۰ مینگ لیتر سوت تولید بولیب و بیر بولیمی کابل و ولایتلرگه پروسس بولیش مقصد یوباریلهدی.
اونینگ کوپهیتیریشیچه، نیازمند عایلهلر اینیقسه عیاللردن قطاری سوتلی سیگیر سقلب و اوشبو سیگیرلردن قولگه کیلهدیگن سوتلرنی ساتیش بیلن کوندهلیک نیازلرینی تامینلهیدیلر. «لوگر مرکزی و تومنلریده کونده قریب ۴۰ مینگ لیتر سوت تولید بولهدی و اوندن بیر مقداری محلی بویلب پروسس بولیب و باشقه بیر مقداری ایسه پروسس اوچون کابل گه یوباریلهدی. لوگر ولایتیده چاروهچیلیک رواجلنگن و دولتی فارملر گه علاوه تومنلرده هم سیگیر سقلنیشی اوچون اونلب فارم قوریلگن.»
لوگر زراعتی ولایتلردن بیری بولیب و یشاوچیلریدن قریب ۸۰ فایزی ایکینچیلیک و چاروهچیلیک آرقهلی حیات خرهجتلرینی قولگه کیلتیرهدیلر.
