لوگر مرکزی پلعلم شهریدهگی قشاق عایلهلردن قطاری نینگ ایتیشلریچه، حکومت و خلقارا نهادلر آرقهلی قشاق عایلهلر گه ترقهتیلهدیگن جاری انسانپرورلیک یاردملر، ییترلی ایمس.
اولر نینگ اورغولشیچه، قشاق عایلهلر نینگ نیازی بیر بوجی اون و بیر قوطی یاغ بیلن تأمین بولمهیدی و اولر عایلهلری نینگ اقتصادی قیینچیلیکدن قوتقریش اوچون حکومت و خلقارا نهادلردن قشاق عایلهلر گه اساسی یاردملر ترقهتیلیشی یا-ده ایش زمینهسی یرهتیلیشی نی ایستهگنلر.
لوگر یشاوچیلریدن نظیراحمد نینگ ایتیشیچه: «بو یاردملر ییترلی ایمس. آز دیر و اقتصادی وضعیتیمیز یخشی ایمس. دولت و خلقارا نهادلردن انسانپرورلیک یاردملر کوپهیشی نی ایستهیمیز.»
بیزلرنینگ فیسبوک صحیفهمیزگه باش اورینگ!
شونینگدیک لوگر یشاوچیلریدن باشقه بیری سیفالرحمان نینگ ایتیشیچه:«انسانپرورلیک یاردملر خصوصیده قیینچیلیگیمیز بار. بو یاردملر اهالی قیینچیلیگیدن ۲ فایزی نی هم حل قیله آلمهیدی. مذکور یاردملر نینگ کوپهیشی نی ایستهیمیز. اوزیم نینگ اقتصادی قیینچیلیگیم بار و هر ییل ایشلش اوچون ایران کیتهمن. بو ییرده حیات خرهجتی نی تأمینلش قیین دیر و بو یاردملر نینگ نیازمند عایلهلر گه ترقهتیلیشی کیرهک.»
شونینگدیک لوگر ولایتی خروار و محمدآغه تومنلری یشاوچیلری نینگ ایتیشلریچه، جاری انسانپرورلیک یاردملر، قشاق عایلهلر گه شفاف شکلده صورت تاپمهیدی.
بو توغریده محمداجمل نینگ ایتیشیچه: «لوگر ولایتی یشاوچیسی مین. بو ولایتده ترقهتیلهدیگن یاردملر قشاق عایلهلر گه ترقهتیلمهیدی و واسطه اساسیده ترقهتیلهدی. واسطه بولمهگنی صورتده ۱۰ ییلده هم یاردم قولگه کیلتیریش ممکن ایمس. قیشلاغیمیز گه سروی تیمی کیلگن ایدی و عایله اعضالریدن کوپینچهسی سعودی عربستان ده بولگن عایلهلر گه یاردم بیردیلر.»
شوندهی بیرحالده، لوگر معلومات و مدنیت ریاستی سرپرستی رفیعالله صمیم، اوشبو ولایتده قشاق عایلهلر گه ترقهتیلهدیگن یاردملر خصوصیده سلاموطندار گه ایتیشیچه، حکومت نیازمند و قشاق عایلهلر گه یاردم بیریش اوچون برچه کوچی بیلن سعی و حرکت قیلهدی.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه، ولایتی ادارهلر قشاق عایلهلر گه یاردم بیریش اوچون دواملی شکلده ایچکی و خلقارا نهادلر بیلن علاقهده دیر. اونگه کوره «دولت نینگ برچه امکانیت و آسایشتهلیگی، اهالی اوچون دیر. خلقارا نهادلر نینگ یاردملری قشاق و نیازمند عایلهلر گه ترقهتیلهدی. قیشلاقلر نی رواجلنتیریش و قیته قوریش ریاستی، قاچقینلر ریاستی و طبیعی آفتلر گه قرشی کورهش ریاستی، نیازمند عایلهلر گه یاردم بیرهدی. اوتگن کون خروار و ازره تومنلریده یوزلب قشاق و نیازمند عایله گه یاردم ترقهتدیک.»
خلقارا آزیق-آوقت دستوری اوتگن هفته، لوگر ولایتی نینگ خروار و ازره تومنلریده ۱۳۰۰ قشاق عایله گه یاردم بیرگنی بیرحالده، اوشبو ولایت یشاوچیلری قشاق عایلهلر گه انسانپرورلیک یاردملر نینگ کوپهیشی نی ایستهگنلر.