لوگر مرکزی پل‌علم شهری یشاوچیلریدن قطاری‌نینگ ایتیشلریچه، اوشبو شهر سرک‌لری بوزوق‌لیگی بو یول‌دن اوتیب قیته‌دیگن کیشی‌لرنی کوپینچه قیین‌چیلیک بیلن روپه‌ره قیلگن.
اولر‌نینگ کوپه‌یتیریشلریچه، پل‌علم شهری سرک‌لری بوزوق‌لیگی سبب، هیداوچیلر اوتیب-قیتیش اوچون کوپراق فرعی یوللردن فایده‌لنه‌دیلر.
بو توغریده پل‌علم شهری یشاوچیلریدن بلال ستانکزی، سرکلر بوزوقلیگینی بیان قیلیب و بو توغریده حکومت‌نینگ توجه قره‌تیشی‌نی ایسته‌گن. «پل‌علم شهری ایچیده‌گی سرکلر وضعیت کوپ یامان دیر، چونکه کوپینچه یوک بیلن موترلر اوتیب قیتیب و سرکلر بوزیلگن. بو توغریده دولت هم نیچه ییل‌دن بیری توجه قیلمه‌گن.»
بیزلرنینگ «ایکس» ترماغی ده هم تعقیب قیلینگ!
شونینگدیک بو شهر یشاوچیلریدن باشقه بیری حزب‌الله، پل‌علم شهری سرک‌لری قیته قوریلیشی‌نی سوره‌ب و ایتیشیچه: «آلتی ییل‌دن بویان بو سرکلر یانیده ایشله‌یمن. سرکلر وضعیتی جوده‌یک خراب دیر. سرکلر بوزوق‌لیگی اوچون موترلر گوجوم‌لیگی هم کوپه‌یه‌دی. اوشبو سرک‌لرنینگ قیته قوریلیشی‌نی ایسته‌یمیز.»
باشقه بیر تاماندن، هیداوچیلردن قطاری پل‌علم شهری‌ده یوز بیره‌‌دیگن ترافیکی حادثه‌لردن قطاری‌نینگ سببی‌نی اوشبو شهر سرکلرینینگ بوزوق‌لیگی دیگنلر.
بو توغریده لوگر مرکزی پل‌علم شهری‌ده‌گی هیداوچیلردن بیری روح‌الله‌نینگ ایتیشیچه: «سرکلر بوزوق‌لیگی کوپینچه قیین‌چیلیک جمله‌دن ترافیکی حادثه‌لر یوز بیریشی‌گه سبب بوله‌دی. اوتگن کونی هم بو ییرگه حادثه بولدی و هیداوچی‌گه بیش مینگ افغانی زیان ییتیشدی.»
بیزلرنینگ فیسبوک صحیفه‌میزگه باش اورینگ!
شونینگدیک لوگر حاکمی سوزلاوچیسی صدیق‌احمد صدیقی، پل‌علم شهری سرک‌لری بوزوقلیگینی تصدیق‌لب، بو شهر سرکلرینینگ ستندرد شکلده قیته قوریلیشی مقصد سعی‌وحرکت بولیشینی بیان قیلگن.
جناب صدیقی‌نینگ کوپه‌یتیریشیچه: «لوگر ولایتی رسمی‌لری اهالی قیین‌چیلیگی حلی اوچون سعی‌وحرکت قیلماقده. شهر ایچیده سرکلر بوزوق‌لیگی یشاوچیلر اوچون جدی بیر قیین‌چیلیک دیر. ولایت مقامی بو موضوع‌نی تیکشیریب و تیگیشلی اداره‌لر گه پل‌علم شهری ایچیده‌گی سرکلر قیته قوریلیشی بولیمی‌ده‌گی موجود قیین‌چیلیک‌لرنی حل قیلیب و تیزلیک بیلن اونینگ قیته قوریلیش ایشی باشله‌نیشی‌نی دستور بیرگن.»
لوگر ولایتی پل‌علم شهری، جنوب شرقی ولایت‌لر‌نینگ کابل بیلن باغله‌یدیگن یول بولیب و سرک‌لری بوزوق‌لیگی، مذکور ولایت یولاوچیلری‌گه کابل تامان باریب-کیلیش‌نی قیین‌لشتیرگن.
