کابل ده شهزاده سراییده جوازسیز شکلده قول اوستیده پول المشتیرووچیلردن قطاری نینگ ایتیشلریچه، افغانستان مرکزی بانکی اولر گه جواز قولگه کیلتیریب و ایشلری نی دوام بیریشلری اوچون شهزاده سراییدهگی صرافلردن بیری آرقهلی ضمانت بولیشلری نی ایستهگن.
مذکور صرافلر گه کوره، اولر نینگ ضمانت قیلیش اوچون هیچ بیر صراف حاضر ایمس و افغانستان مرکزی بانکی نینگ بو قراری، اولر ایشلرینی قیینچیلیک بیلن روپهره قیلگن.
بیزلرنینگ «ایکس» ترماغی ده هم تعقیب قیلینگ!
شهزاده سراییدهگی جوازسیز قول اوستیده پول المشتیرووچیلردن محمد نینگ ایتیشیچه: «اساسی قیینچیلیک بو که بیزلرنی ایشگه قویمهیدیلر، چونکه جوازلری یوق دیهدیلر. مرکزی بانک بیر صراف اوچ-تورت قول اوستیده پول المشتیرووچی نی ضمانت قیله آلهدی دیگن و بیزلر صرافلرنی اونچهلیک تانیمهیمیز و بو رقم بیزلرنی ایشگه قویمهیدیلر.»
شهزاده سراییده جوازسیز پول المشتیرووچیلردن باشقه بیری عبدالحمید، مرکزی بانک مسئوللریدن تشقی پوللر نینگ ساتیب-آلینیشی خصوصیده فعالیتلریگه توسیقلیک قیلمسلیکلرینی ایستهگن. «مرکزی بانک رسمیلریدن اهالی گه رحم قیلیشلری و اولر گه ایشلری نی دوام بیریب و بو یول آرقهلی عایله خرهجتلرینی تامینلش خصوصیده رخصت بیریشلری نی ایستهمیز.»
شوندهی بیرحالده، کابل ده شهزاده سرایی نینگ صرافلر بیرلشمهسی مسئوللری، مرکزی بانکدن بو قراری نینگ کوریب چیقیشینی ایستهگن.
مذکور بیرلشمه سوزلاوچیسی عبدالرحمان زیرک نینگ ایتیشیچه: «مرکزی بانکدن اولر نینگ قیته ایشلشی نی ایستهیمیز، چونکه اولردن هر بیری عایله سرپرستی دیر و بو یول آرقهلی عایله خرهجتلرینی تامین قیلهدیلر.»
بیراق افغانستان مرکزی بانکی مسئوللری نینگ ایتیشلریچه، ینگیلیکده پولی و صرافی خذمتلر قانونی اسلام امیرلیگی رهبری تامانیدن توشیح بولگن و مذکور قانون اساسیده، قول اوستیده پول المشتیرووچیلر فعالیتلری دوامی اوچون جواز آلیشلری کیرهک.
بیزلرنینگ فیسبوک صحیفهمیزگه باش اورینگ!
مرکزی بانک سوزلاوچیسی حسیبالله نوری نینگ سلاموطندار گه ایتیشیچه: «ینگیلیکده پولی و صرافی خذمتلر قانونی اسلام امیرلیگی رهبری تامانیدن توشیح بولگن و اونینگ اساسیده اهالی نینگ برچه معاملهلری تنظیم بولهدی و قول اوستیده پول المشتیرووچیلر فعالیتلری دوامی اوچون جواز آلیشلری کیرهک.»
مرکزی بانک نینگ معلوماتی اساسیده، حاضر ایسه اوشبو بانک بیر مینگدن آرتیق صراف و ۶۰۰ صرافلیک نمایندهلیگی اوچون فعالیت جوازینی ترقهتگن.
