روسیه تشقی ایشلر وزیری سرگئی لاوروف، افغانستان بوییچه فرمت مسکو ییتینچی ییغیلیشیده اوتکزگن نطقیده اورغولشیچه، هر قندهی سبب بیلن افغانستان یا-ده اونینگ قوشنی مملکتلری حدودیده اوچینچی دولتلرنینگ حربی آستقورمهلری جایلشتیریلیشی، «بوتونلی قبول قیلیب بولمهیدیگن» بیر نرسه دیر.
فرمت مسکو ییغیلیشی، بوگون (۱۵-میزان، سهشنبه)، منطقهدن ۱۰ مملکت وکیللری حضوری، مهمان صفتیده بلاروسدن بیر هیئت و بیرینچی مرته اسلام امیرلیگیدن رسمی بیر نمایندهنینگ اشتراکی بیلن، مسکو ده باشلنگن.
بیزلرنینگ «ایکس» ترماغی ده هم تعقیب قیلینگ!
روسیه تشقی ایشلر وزیرینینگ بو ییغیلیشده ایتیشیچه: «ینه بیر مرته تاکیدلهیمیز که افغانستان و شونینگدیک قوشنی مملکتلری توپراغیده اوچینچی تاماننینگ حربی آستقورمهلری جایلشتیریلیشی، بوتونلی قبول قیلیب بولمهیدیگن دیر نرسه دیر.»
اونینگ کوپهیتیریشیچه، منطقهدن تشقری کوچلر و اشتراکچیلر حضوری، برقرارسیزلیک و ینگی اوروشلرگه سبب بولیشی ممکن.
سرگئی لاوروفنینگ ایتیشیچه، افغانستان تاریخی بو مملکتده حربی حضوری کوپینچه قیینچیلیکنینگ اورته گه کیلتیرگنینی کورستگن و برچه کیشی اوشبو وضعیتدن درست نتیجهگه ایگه بولیشلری کیرهک.
شونینگدیک اسلام امیرلیگی تشقی ایشلر وزیری امیرخان متقی، بو ییغیلیشگه شرکت قیلگن.
بیزلرنینگ فیسبوک صحیفهمیزگه باش اورینگ!
افغانستان بوییچه مسکونینگ مصلحتی فرمتی، ۲۰۱۷-ییلده روسیه ابتکاری و روسیه، افغانستاننینگ سابق دولتی، چین، پاکستان، ایران و هندوستان آرهسیده مذاکرهلردن کیین شکللنگن. بو دایرهنینگ اصلی مقصدی، افغانستان ده برقرار تینچلیک تامینلنیشی و ملی صلح پروسهسی رواجلنیشی دییلگن.
بو ییغیلیشنینگ ییتینچی دوریده، افغانستان، هندوستان، ایران، قزاقستان، چین، قرغیزستان، پاکستان، روسیه، تاجیستان، تورکمنستان و اوزبیکستاننینگ ییریک رسمیلری و مخصوص وکیللرینینگ حضوری بار. شونینگدیک سعودی عربستان، قطر، بیرلشگن عرب امیرلیکلری و تورکیه مملکتلری هم بوندن آلدینگی ییغیلیشلرده مهمان صفتیده شرکت قیلگنلر.
