جوزجان مرکزی شبرغان شهریده بیرینچی مرته کورلر اوچون خاص بیر رادیو ایجاد ایتیلگن. اوشبو رادیو کورلرنینگ ظرفیتی‌نی یوقاری آلیب باریش مقصد ده قوریلگن.
شجاع رادیو‌سی مسوولی مصور شجاع نینگ ایتیشیچه، کورلرنینگ قیین‌چیلیک‌لرینی حل قیلیش اوچون اوشبو رادیونی ایجاد قیلگن.
اونینگ ایتیشیچه، بو رادیو ۱۲ مینگ دالر هزینه آرقه‌لی قوریلگن و حاضرده ۴ نابینا و ۹ قیز بو رادیو گه شغللنه‌دی.
عینحالده، اوروش‌لر سبب، کوزلرینی قولدن بیرگن بیرقطار کیشی‌لرنینگ ایتیش‌لریچه، میدیاگه علاقه‌لریگه بولگنی باعث، بوگون ایش‌گه باشلگن‌لر. اولرنینگ ایتیش‌لریچه، ناگران‌لیک، کوچ‌سیزلیک ایمس و اوزلرینی اثبات‌لش اوچون سعی و حرکت قیله‌دیلر.
اولر، ناگران و کور کیشی‌لردن استعدادلریگه ایشانیب، جماعه گه کیریب فعالیت‌لریگه دوام بیریش‌لرینی سوره‌گن‌لر.
باشقه تاماندن افغانستان کورلر اویوشمه‌سی مسووللری، مذکور رادیو نینگ بیر کور تامانیدن ایجاد ایتیلگنی اوچون خرسندلیک بیلدیریب و کورلر ایستک‌لری عملگه آشیریلیشی اوستیگه تاکید قیلگن‌لر.
جوزجان ولایتی بوییچه شهیدلر و ناگران‌لر اداره‌سی مسووللری نینگ ایتیش‌لریچه، حاضرگه‌قدر اوروش و ماین پارتله‌گنی باعث، ۱۵ کور کیشی بو اداره گه قید ایتیلگن.
