لغمان ده محلی رسمیلرنینگ بوگون (۱۰-سنبله، دوشنبه)، ایتیشلریچه، اوشبو ولایتده اوتگن کیچه یوز بیرگن زلزله نتیجهسیده، کمیده ۴۴ کیشی یرهلنگن.
لغمان طبیعی حادثهلرنی باشقریش ریاستیگه کوره، بو واقعه مذکور ولایتنینگ برچه تومنلری جملهدن مهترلام تومنیده تلفات و مالی زیانلرگه سبب بولگن.
مذکور ریاست باشلیغی خیرمحمد غازینینگ ایتیشیچه، حاضرگچه یرهلنگن ۴۴ کیشی ولایتی کسلخانهسیگه انتقال بیریلگن که اولردن کوپینچهسی عیاللر و بالهلر دیر.
بیزلرنینگ فیسبوک صحیفهمیزگه باش اورینگ!
محلی رسمیلرنینگ کوپهیتیریشلریچه، شونینگدیک تلفات و زیان میزانی توغریسیده تیکشیریشلرنینگ دوامی بار.
امریکا ییرشناسلیک تشکیلاتی، اوشبو زلزله مرکزینی ننگرهار ولایتی جلالآباد شهری یقینیده و ییرنینگ ۱۰ کیلومتر چقورلیگیده دیب اعلام قیلگن.
زلزله یکشنبهدن دوشنبه گه اوتر کیچه محلی وقت بیلن ساعت ۱۱:۴۷ ده یوز بیرگن.
