اسلام امیرلیگی سوزلاوچیسی ذبیحالله مجاهد، افغانستان میلادی ۲۰۲۵-ییلده دیپلماتیک ساحهده یخشی یوتوقلر گه ایریشگنینی بیلدیردی.
او، بو گون (۱۰-جدی/۳۱-دسمبر، چهارشنبه) ایکس صحیفهسیده بیر بیانیه ترقهتیب، میلادی ۲۰۲۵-ییلده اسلام امیرلیگی روسیه تامانیدن تن آلینیشی، بو ییلنینگ اینگ مهم یوتوقلریدن دیب یازگن.
مجاهدنینگ کوپهیتیریشیچه، میلادی ۲۰۲۵-ییلده اسلام امیرلیگی اورین باسرلری و وزیرلری شامل کابینه اعضالری، سیاسی، اقتصادی، سودا مناسبتلرنی مستحکملش مقصدیده، ۹۹ مراتبه چیت ایل گه سفر قیلگنلر.
اسلام امیرلیگی قویاش ۱۴۰۰-ییل، ۲۴-اسد ده قدرت نی آلگچ، ایریم مملکتلرده افغانستان نینگ سیاسی نمایندهلیکلرینی قولگه آلیش و دنیا همجمعیت بیلن مناسبتینی مستحکملش اوچون کوپ سعی-حرکت قیلدی. قدرتنی آلگنیدن قریب تورت ییل اوتگچ، فقط روسیه تامانیدن تن آلینگن و ۴۰ دن آرتیق مملکت افغانستاننینگ دیپلماتیک نمایندهلیگی یا کی قنسولگرلیگینی اسلام امیرلیگی گه تاپشیرگن.
