لغمان مرکزی مهترلام شهری یشاوچیسی بولمیش ۲۲ یاشر وجیهه نینگ ایتیشیچه، ناگران‌لیک کوچسیزلیک ایمس و ناگران کیشیلر جمعیت‌ده‌گی باشقه کیشیلر کبی تعلیم آلیب و ایش قیله آله‌دیلر.
اونینگ کوپه‌یتیریشیچه: «کوزدن عاجز کیشیلر، برچه بولیم‌لرده ایش قیله آله‌دی، ایش زمینه‌سی و درس اوقیش زمینه‌سی یره‌تیلگنی‌ده، درس اوقه آله‌دیلر و اولر جمعیت‌ده باشقه کیشیلر کبی حصه قوشه آله‌دیلر. کوزدن عاجز کیشیلر گه کوپراق توجه قره‌تیلیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
شونینگدیک وجیهه، ایکی ایناغه و ایکی سینگیلی بیلن کوزدن عاجز بولیب، مهترلام شهری‌ده‌گی کوزدن عاجز کیشیلر اوچون بولگن مخصوص مکتب ده تعلیم کورماقده. وجیهه بیش ییل‌دن بیری بو مکتبده تعلیم کوریب و بریل خطی‌دن قوللنیش و حساب نی اورگنگن. وجیهه ناگران کیشیلر بیلن یشاوچیلر نینگ یانده‌شوویدن شکایت قیلیب و ایتیشیچه: «درس گه بارمه‌گنیمیز پیت، کوپراق حیاتیمیزدن ناامید ایدیک؛ کوزی هیچ نرسه‌سی نی کورمه‌گن کیشی قنده‌ی ناامید بولمه‌سین؛ اهالی هم یخشی بیر آت گه چقیرمه‌یدیلر و کور دیب چقیره‌دیلر.»
کوزدن عاجز کیشیلر اوچون بولگن مخصوص مکتب ده، هیچ بیر نرسه نی ایشیتمه‌یدیگن ۱۳ یاشر فوزیه بیلن تانیشدیم. او مذکور مکتب گه کیرگنیدن کیین، حاضر اشاره‌یی تیل‌دن قوللنیش نی بیلیب و بو تیل بیلن، اوقیتووچیدن کیین درسلرنی اوقووچیلر گه تکرار قیله‌دی.
فوزیه نینگ سلام‌وطندار گه ایتیشیچه: «اوی‌ده، قفس‌ده بولگن قوشلر کبی ایدیک؛ بیراق درس اوقیش گه کیلگنیمیز پیتده، اوزیمیز کبی باشقه اونلب کیشی نی کوریدیک. حاضر درس اوقیش بیلن کوپ خورسند‌میز. شفاکار بولیب و کسل‌لرنی درمان قیلیشیمیز ممکن.»
لغمان مرکزی مهترلام شهری‌ده کوزدن عاجز کیشیلر اوچون بولگن مخصوص مکتب مسئوللری نینگ ایتیشلریچه، ناگران کیشیلر اینیقسه کوریش و ایشیتیش قیین‌چیلیگی بولگن کیشیلر، اقتصادی قیین‌چیلیکلر بیلن هم روپه‌ره‌لر.
مهترلام شهری‌ده کوزدن عاجز کیشیلر اوچون بولگن مخصوص مکتب مدیری خان سعید‌وال، سرپرست حکومت و یاردم بیرووچی نهادلردن، ناگران کیشیلر نیازلر حلی اوچون یاردم‌لری نینگ کوپه‌یتیریلیشینی ایسته‌گن. «بو قیین‌چیلیککه برچه کیشی نینگ روپه‌ره بولگنی بیلن، بیراق ناگران کیشیلر کوپراق اقتصادی قیین‌چیلیک بیلن روپه‌ره دیر. جمغرمه‌لردن بو وضعیت گه توجه قیلیشلرینی ایسته‌یمن، چونکه اولر ساغلام کیشیلردن کوپراق یاردم گه نیازلری بار.»
جناب سعدوال گه کوره، بو مکتبده ۱۷ مسلکی اوقیتووچی کوریش و ایشیتیش قیین‌چیلیگی بولگن ۱۸۴ قیز و اوغیل گه تعلیمی خذمتلرنی ارائه قیله‌دیلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، لغمان تخنیکی و مسلکی تعلیم‌لر آمری برهان‌الدین نینگ ایتیشیچه، اوشبو ولایت‌ده‌گی ناگران کیشیلر نیازلری حلی و اولر گه ییترلی آسایشته‌لیکلر یره‌تیلیشی اوچون سعی‌وحرکت بوله‌دی. اونینگ کوپه‌یتیریشیچه: «ناگران کیشیلر قیین‌چیلیگی حلی اوچون سعی‌وحرکت قیلماقده‌میز. بیزلر گه بو کیشیلر قیین‌چیلیگی یکونلنیشی اونملی دیر. مذکور کیشیلر اقتصادی و اجتماعی قیین‌چیلیک بیلن روپه‌ره بولگنلری صورت‌ده، اولر نینگ قیین‌چیلیگی حل بولیشی کیره‌ک.»
لغمان ده ناگران عیاللر، سرپرست حکومت‌دن اولر نینگ وضعیتی گه کوپراق توجه قیلیب و اولر گه ایش و مسلکی تعلیم‌لر زمینه‌سی نینگ یره‌تیلیشینی ایسته‌گنلر.
