لغمان ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، باشقه سبزه‌واتلر یانیده اوشبو ولایت‌ده پمیدار ایکیلیشی هم سیزیلرلی درجه‌ده کوپه‌یگن.
لغمان ایکینچیلیک، سووغاریش و چاروه‌چیلیک ریاستی نینگ رواجلنتیریش مدیری امین‌الله تکل، اوشبو ولایت نینگ بیر قطار تومن‌لریده دهقانلر گه اصلاح بولگن اوروغلر ترقه‌تیلگنی نی بیان قیلیب و ایتیشیچه، بو ییل ۵۳۵ هکتار ییر گه پمیدار ایکیلیب و ۲۸ مینگ تُن پمیدار ییتیشتیریلیشی کوتیله‌دی.
امین‌الله تکل نینگ کوپه‌یتیریشیچه: «بو ییل آچیق و گل‌خانه‌ده ۵۳۵ هکتار ییر گه پمیدار ایکیلگن و ۲۸ مینگ تُن حاصل قولگه کیلیشی ممکن. پمیدارلردن کوپینچه‌سی قرغه‌یی تومنی‌ده تولید بولیب و باشقه ولایت‌لر گه یوباریله‌دی. انه شوو سبب تولید کوپه‌یب قیمتلر کمه‌یگن و دهقانلر ایسه زیان کورگن، چونکه پمیدار تیزلیککه خراب بوله‌دی. لغمان ده‌گی ساووقخانهلر نینگ فعال قیلیشی و دهقانلر قیین‌چیلیگی نی بیراز حل بولیشی مقصد، سعی‌وحرکت قیلماقده‌میز.»
بیزلرنینگ فیسبوک صحیفه‌میزگه باش اورینگ!
لغمان ولایتی‌ده‌گی مسئوللر پمیدار ایکیلیشی کوپه‌یگنی‌دن خورسند‌لیک قیلگنلری بیرحالده؛ دهقانلر ساتیلیش اوچون بازار یوقلیگی‌دن شکایت قیلیب و ایتیشلریچه، بوندن آلدین باشقه سبزه‌واتلرنی ایکه‌ر ایکنلر، بیراق بازار یوقلیگی سبب فایده قولگه کیلتیرمهگنلر.
دهقانلر نینگ کوپه‌یتیریشلریچه، اولر موسوم بوییچه زحمت چیکه‌دیلر؛ لیکن ییغین-تیریم موسومی ییتیب کیلگنی‌ده قیمتلر کمه‌یشی سبب، حتا ایکیش خره‌جتینی هم تولدیره آلمه‌یدیلر.
لغمان ولایتی‌ده‌گی دهقانلردن بیری سهراب نینگ ایتیشیچه: «ایکی تور پمیدار ایکه‌میز، بیریسی آچیق فضاده و باشقه‌سی ایسه پلاستیک تونل‌لریده ایکیله‌دی. حاصل بیرگنی‌ده ایکی کونده، قریب ۳۰۰ سیر حاصل قولگه کیلتیره‌میز. حاصلات یخشی اما بازار یوق و دهقانلر زیان کوره‌دی. حکومت‌دن بازار تاپیلیشی خصوصیده همکارلیک قیلیشینی ایسته‌یمیز.»
شونینگدیک مذکور ولایت‌لرده‌گی دهقانلردن باشقه بیری نعمان نینگ ایتیشیچه، اوشبو ولایت‌ده دهقانلر باشقه سبزه‌وات ایکیلیشی یانیده، یوزلب جریب ییر گه پمیدار هم ایککنلر؛ لیکن ییل‌لردن بیری بازار یوقلیگی و قیمتلر آزلیگی سبب، فایده قولگه کیلتیرمهگنلر. «قرغه‌یی تومنی نینگ چهارباغ منطقه‌سیده، مینگلرچه جریب ییرگه پمیدار ایکیلگن، بیراق ییغیم-تیریم موسومی ییتیشگنیده، قیمتلر کمه‌یدی و دهقانلر قیلگنلری خره‌جتنی قولگه کیلتیره آلمه‌یدیلر.»
باشقه بیر تاماندن، ایکینچیلیک ایش بیلرمانلریدن قطاری نینگ ایتیشلریچه، شرقی ولایت‌لر جمله‌دن لغمان تورلی‌خیل ایکینچیلیک محصولاتی اینیقسه پمیدار ایکیلیشی اوچون مناسب هوا بیلن کوپینچه ایکینچیلیک ییرلرگه ایگه دیر.
ایکینچیلیک ایش بیلرمانلریدن احمدویس رسا نینگ ایتیشیچه، باشقه سبزه‌وات گه قره‌گنده پمیدار کوپراق قوللنیله‌دی، لیکن بو محصول نینگ تیزلیکده خراب بولیشی اوچون حکومت اونینگ سقلنیشی و پروسس بولیشی خصوصیده ستندرد ساووقخانهلر و کارخانه‌لر قوریشی کیرهک.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «پمیدار نینگ سقلنیشی اوچون تورلی‌خیل پروسس دستگاه‌لری یا-ده ساووقخانهلر قوریلیشی و شونینگذیک ایسته‌ک اساسیده بازار گه یوباریلیشی کیرهک. بو ایش بیلن بیر تاماندن پمیدار قیمتی ثابت قاله‌دی و باشقه بیر تاماندن وارد بوله‌دیگن پمیدارلر آلدی آلینه‌دی.»
ایتیش کیرهک که، ایکینچیلیک محصولاتی ساتیلیشی اوچون بازار یوقلیگی، مملکت نینگ بیر قطار ولایتلری اینیقسه لغمان ده‌گی دهقانلرنی خواطرلنتیرگن.
