بدخشان ولایتی واخان تومنی پامیر یشاوچیلریدن قطاری نینگ ایتیشلریچه، اوتگن بیر بیر آی ده مذکور تومن ده باله‌لر شامل ۲۱ کیشی تنفسی کسل‌لیککه چلینیب هلاک بولگنلر. اولرگه کوره، طبی امکانیت و ساغلیک تیم‌لری ییتیب باریشی بیلن، وضعیت عادی حالتی گه قیتگن.
اولر نینگ کوپه‌یتیریشیچه، اوشبو کسل‌لیک کرونا کبی دیر. اولر گه کوره، مذکورمنطقه ده ساغلیک بیر مرکز ایجاد ایتیلگن؛ بیراق پامیر یشاوچیلری ارا فاصله اوزاق‌لیگیگه قره‌گنده بو ییترلی ایمس دیر.
بیزلرنینگ فیسبوک صحیفه‌میزگه باش اورینگ!
باشقه تاماندن، بدخشان ساغلیق‌نی سقلش مسئوللری نینگ ایتیشلریچه، اوشبو کسل‌لیکنی انیقلش و آلدینی آلیش مقصدیده بدخشان ولایتی پامیر و شهربزرگ و یاوان تومن‌لری گه ساغلیک بیر تیمنی یوبارگنلر.
مسئوللر گه کوره، بویوک پامیر و واخان تومنی یشاوچیلری بیر آی دن بویان کرونا کبی تنفسی کسل‌لیککه چلینگنلر، نتیجه ده ۱۷ کیشی قربان بولگن.
بدخشان ساغلیق‌نی سقلش باشلیغی عتیق‌الله فیضی گه کوره، آقاخان ساغلیک خدمت کورسه‌تیش مؤسسه‌سی همکارلیگی بیلن تاجیکستان آرقه‌لی ساغلیک بیر تیمنی بیر مقدار دارو و طبی امکانیت بیلن محل گه یوبارگنلر. اونینگ کوپه‌یتیریشیچه، اوشبو کسل‌لیک آلدی آلینگن و محل یشاوچیلری نینگ ساغلیک احوالی عادی حالتی گه قیتگن.
بدخشان ده آقاخان ساغلیک خدمت کورسه‌تیش مؤسسه مسئولی خلیل‌الرحمان ابراهیم‌خیل نینگ ایتیشیچه، اولر گه معلومات بیریلگندن کیین، اولر تاجیکستان آرقه‌لی بیر مقدار دارو، طبی امکانیت و بیش داکترنی ایکی موتر بیلن یوبارگنلر.
بیزلرنینگ توییترده هم تعقیب قیلینگ!
اونگه کوره، کرونا کبی تنفسی اوشبو کسل‌لیک یاوان تومنی «زو، مزار و واشکر» قیشلاغ‌لریده رواجلنگن، ساغلیک تیم‌لرنی محل گه یوبارگنلر و حاضر عیاللر و باله‌لر شامل ۹۰۶ کیشی دوالنگن و مذکور تومن ده کسل‌لر سانی کمه‌یگن.
بدخشان ده آقاخان ساغلیک خدمت کورسه‌تیش مؤسسه مسئولی نینگ کوپه‌یتیریشیچه، مذکور ولایت نینگ شهر بزرگ تومنیده ۱۹۴ کیشی سیار تیم‌لر تامانیدن دوالنگن؛ بیراق محل یشاوچیلریدن ایکی کیشی اوشبو تومن نینگ «فرسنگ» قیشلاغیده هلاک بولگنلر.
