کانلر و پترولیم وزیرلیگی، بوگون کابل ده یولگه قوییلگن خبری بیر ییغیلیش‌ده، ایچکی بیر کمپنیه بیلن ییتی میلیون ۸۰۰ مینگ دالر ارزشی گه بامیان ولایتی یکاولنگ تومنی «گنده کوتل» ساحه‌سی نینگ ۲۰ مینگ تُن جست تیمیری ساتیلیش قراردادی نی امضاله‌گن.
اوشبو وزیرلیک سرپرستی شهاب‌الدین دلاور نینگ ایتیشیچه، مذکور ایچکی کمپنیه بیر تُن جست نی ۳۹۰ دالر قیمتی گه ساتیب آلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «۲۰ مینگ تُن جست ییتی میلیون ۸۰۰ مینگ دالر گه ساتیله‌دی. افغانستان کان‌لری خصوصیده سرمایه یاتقیزیلیشی تدبیرکارلیک اوچون شرایط یره‌ته‌دی.»
مذکور داوطلب‌لیککه ۳۰ ایچکی کمپنیه و ایکی تشقی کمپنیه شرکت قیلیب و اولر ارا ایچکی بیر کمپنیه غالب چیققن.
باشقه بیر تاماندن، غالب بولگن کمپنیه مسئوللری سرپرست حکومت‌دن مملکت ایچیده کانلر موادی نی پروسس قیله‌دیگن ایشخانه ایجاد قیلینیشی مقصد، برق تامین‌لنیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
وکیلی لمیتد کمپنیه باشلیغی احمد وکیلی نینگ ایتیشیچه: «حکومت‌دن برق نی تامین قیلگنی صورت‌ده، سوداگرلر کانلر موادی نی پروسس قیله‌دیگن ایشخانه ایجاد قیلیشلری ممکن؛ برق بولگنی صورت‌ده افغانستان گه یخشی ایش و فرصت دیر.»
ایتیش کیره‌ک که، حاضر ایسه دنیا بازارلریده بیر تُن جست قیمتی ۲۵۰۰ دالر دیر؛ لیکن افغانستان ده پروسس قیله‌دیگن ایشخانه یوقلیگی سبب، بیر تُن جست ۳۹۰ دالر گه ساتیله‌دی.
