اسلام امیرلیگی ییریک رسمی‌لری، مملکت نینگ ییتتی بویوک کانی جمله دن تخار آلتینی کانی، ایکینچی مس عینکی، سرب کانی ایکینچی بلاکی، غور جستی و هرات ولایتی غوریان کان‌لرینی قازیب چیقریش و پروسس قیلیش قراردادینی امضاله‌دی.
اوشبو قراردادلر اساسیده، تخار آلتین کانی ۱۲ کیلومتر مربع مساحتی گه بیش ییل گه قدر چینا_افغانستان شرکتی گه تاپشیریلگن، مذکور شرکت اوشبو کان ده ۳۱۰ میلیون دالر سرمایه یاتقیزیب و ۵۶ فایز درآمدی حکومت گه تاپشیریله‌دی.
ایکینچی مس عینک کانی ۲۴۵ کیلومتر مربع مساحتی گه ۳۰ ییل گه قدر «تویار» شرکتی گه تاپشیریلگن، اوشبو شرکت ۴۱۱ میلیون دالر سرمایه یاتقیزیب و ۱۲ فایز درآمدی حکومت گه تاپشیریله‌دی.
بیزلرنینگ فیسبوک صحیفه‌میزگه باش اورینگ!
شونینگدیک، سرب کانی ایکینچی بلاکی و غور جستی ۲۰۷ کیلومتر مربع مساحتی گه ۳۰ ییل گه قدر «افغان‌اینوست» شرکتی گه تاپشیریلگن و اوشبو شرکت ۵۳۷ میلیون دالر سرمایه یاتقیزیب و ۲۰ فایز درآمدی حکومت گه بیریله‌دی.
بوگون کان‌لر و پترولیم وزیرلیگی تامانیدن خصوصی تورت شرکت بیلن قرارداد قیلینگن کان‌لردن بیری هرات غوریان کانی دیر، تورت بلاک ده قرارداد گه تاپشیریلگن و بیرینچی بلاکی ده ۲.۸ میلیارد دالر، ایکینچی بلاکی ده ۸۷۴ میلیون دالر، اوچینچی بلاکی ده ۵۷۲ میلیون دالر و تورتینچی بلاکی ده هم بیر میلیارد ۱۷ میلیون افغانی سرمایه یاتقیزیلیب و ۳۰ ییل گه قدر قرارداد گه تاپشیریلگن و ۱۳ فایز درآمدی حکومت خزینه‌سیگه توله‌نیله‌دی.
برچه‌سی بیلن، کان‌لر و پترولیم وزیرلیگی سرپرستی شهاب‌الدین دلاور، اوشبو قراردادلر نینگ برچه قیمتینی ۶ میلیارد ۵۵۷ میلیون دالر دیگن.
او نینگ کوپه‌یتیریشیچه: «اوشبو کان‌لر افغانستان ایچیده پروسس بوله‌دی، افغانستان صادراتی و صناعتی بیر مملکت گه اوزگره‌دی، اوشبو ییتتی قرارداد نینگ برچه قیمتی ۶ میلیارد ۵۵۷ میلیون دالر دیر.»
مذکور کان‌لر قراردادی کوپراق ایچکی شرکت‌لر بیلن امضالنگن، بیراق اوشبو قراردادلرده احتمالاً چین‌لیک، ایران‌لیک و تورکیه‌لیک شرکت‌لر شریک‌دیر.
قرارداد قیلگن شرکت‌لر نینگ نماینده‌لریدن ضیاالحق ستانکزی گه کوره: «اوشبو پروسه ده تخمیناً ۲۰۶ شرکت اشتراک قیلگن ایدی، اولر دن ۱۹ شرکت شرایط گه ماس تانیلگن و اولر ارا یالغیز تورت شرکت تنلندی.»
بیزلرنینگ توییترده هم تعقیب قیلینگ!
قرارداد قیلگن شرکت‌لر نینگ نماینده‌لریدن باشقه بیری نجم‌الدین صیاد نینگ ایتیشیچه: «اوشبو پروسه ده تورکیه‌لیک بیر شرکت شریک دیر، مذکور شرکت کان‌لرنی قازیب چیقریش ده تجربه‌لی دیر و انشاءالله افغانستان ده مذکور شرکت تجربه‌لریدن ثمره‌لی فایده‌لنه‌میز.»
مسئوللر گه کوره، مذکور کان‌لر نینگ قازیب چیقریلیش و پروسس قیلیش ایشلری باشله‌نیشی بیلن، اولکه بویلب مینگ‌لرچه کیشی ایش بیلن تأمینلنه‌دی.
اسلام امیرلیگی اوتگن ایکی ییل ده کان‌لرنی قازیب چیقریش گه جدی اقدام قیلیب و حکومت نینگ بودجه‌سی اوشبو کان‌لر درآمدی دن تامینلنگن بیرحالده، مذکور ییتتی بویوک کان قرارداد گه تاپشیریلگن.