کان‌لر و پترولیم وزیرلیگی مسئوللری، بوگون (پنجشنبه، ۲۱-جدی)، بیر برنامه‌ده بویوک تورت کان نینگ پروسس قیلیش و قازیب چیقریش شرطنامه‌سینی، بیر قطار خصوصی شرکت‌لر بیلن امضاله‌گنلر.
هرات ولایتی کرخ تومنی نینگ مسجد چوبی منطقه‌سیده، ۱.۶ کیلومتر مربع مساحتی بولگن بیرینچی تاش کومیر کان نینگ شرطنامه‌سی، حضرت بلال خالد لمتید شرکتی بیلن ۳۰ ییل‌گچه امضالنگن.
مذکور شرکت بو توغریده ۱۵۱ میلیون ۷۲۸ مینگ ۱۹۵ افغانی سرمایه یاتقیزیشی کوتیله‌دی. حکومت هم بو کان نینگ هر تُن محصولی‌دن ایکی مینگ ۲۰۰ افغانی درآمد قیلیب و بیش میلیون افغانی ایسه محل یشاوچیلر گه اجتماعی خذمت کورسه‌تیش اوچون اجره‌تیله‌دی.
بیزلرنینگ فیسبوک صحیفه‌میزگه باش اورینگ!
بغلان ولایتی دوشی تومنی نینگ قره‌زغن منطقه‌سیده، ۵.۳۳ کیلومتر مربع مساحتی بولگن ایکینچی آلتین کان نینگ شرطنامه‌سی، مدثر آشنا و باختر یونین پروسس قیلیش و قازیب چیقریش شرکتی بیلن، ۳۰ ییل‌گچه قرارداد گه تاپشیریلگن.
قرارداد قیلگن شرکت بو کان نینگ قازیب چیقریش اوچون ۱۲۴ میلیون ۹۷۹ مینگ ۹ افغانی سرمایه یاتقیزیب و سرپرست حکومت نینگ اوندن قولگه کیلتیره‌دیگن درآمدی ۵۵ فایز تخمین بولگن و شونینگدیک باشقه بیش میلیون افغانی‌سی ایسه محل یشاوچیلر گه اجتماعی خذمت کورسه‌تیش صفتیده نظر گه آلینه‌دی.
۱۶.۸۱ کیلومتر مساحتی بولگن هرات ولایتی پشتون زرغون تیمیر کانی، همگرایان غرب شرکتی بیلن ۳۰ ییل‌گچه قراردادی امضالنگن اوچینچی کان دیر.
قرارداد قیلگن شرکت بو کان نینگ قازیب چیقریش اوچون ۱۴۰ میلیون ۱۰۵ مینگ ۴۵۹ دالر سرمایه یاتقیزیب و ۲۰ فایزی سرپرست حکومت سهمی و باشقه بیش میلیون افغانی ایسه اهالی گه اجتماعی خذمت کورسه‌تیش اوچون اجره تیله‌دی.
بیزلرنینگ «ایکس» ترماغی ده هم تعقیب قیلینگ!
شونینگدیک، ۴.۷۱ کیلومتر مربع مساحتی بولگن پروان ولایتی کوه صافی نینگ کرومایت کانی قراردادی، جاوید نیازی و علیم‌شاه بابا کان‌لر قازیب چیقریش و پروسس قیلیش خصوصی شرکت‌لری بیلن، ۵ ییل‌گچه امضالنگن.
بو کان نینگ قرارداد قیلگن شرکت، ۱۸۰ میلیون ۲۰۶ مینگ افغانی سرمایه یاتقیزیب و هر تُن محصول‌دن سرپرست حکومت نینگ درآمدی ۱۱ مینگ ۳۰۰ افغانی بولیشی ممکن و شونینگدیک اونینگ توپلم ساتیلیشیدن ۳ فایزی محل یشاوچیلر گه اجتماعی خذمت‌لر صفتیده نظر گه آلینیشی کوتیله‌دی.
کان‌لر و پترولیم وزیرلیگی سرپرستی شهاب‌الدین دلاور نینگ ایتیشیچه، خصوصی شرکت‌لر مذکور کان‌لر اوستیگه ۱۰ میلیارد ۱۵۰ میلیون دن آرتیق افغانی سرمایه یاتقیزیش‌لری ممکن. «مذکور تورت کان نینگ پروسس و قازیب چیقریش خصوصیده یاتقیزیله‌دیگن سرمایه‌لر توپلمی ۱۰ میلیارد ۱۵۰ میلیون ۹۰۱ مینگ ۸۵۵ افغانی گه ییتیشه‌دی.»
شونده‌ی بیرحالده، خصوصی شرکت‌لردن قطاری نینگ مسئوللری گه کوره، کان‌لر اوستیگه سرمایه یاتقیزیش‌لری بیلن مملکت نینگ کوپ سانده یشاوچیلری ایش بیلن تامینلنه‌دی.
قراردادی شرکت نماینده‌لریدن بیری ولی محمد نینگ ایتیشیچه: «اهالی گه ایش زمینه‌سی یره‌تیلیشی اوچون تلاش قیله‌میز. کان نینگ پروسس و قازیب چیقریش ایشی مکمل خلاص بولیشی اوچون سعی و حرکت قیلّه‌میز.»
قراردادی شرکت نماینده‌لریدن باشقه بیری احمد‌الله نینگ ایتیشیچه: «اهالی گه ایش زمینه‌سی یره‌تیلیشی اوچون سوز بیرگن‌میز و حاضر ایسه اهالی‌دن کوپینچه‌سی اکتشافی دوره‌سیده ایشله‌یدیلر و شونینگدیک کیینگی دوره‌لرده یوزلب کیشی گه ایش زمینه‌سی یره‌تیلیشی ممکن.»
ایتیش کیره‌ک که، کان‌لر و پترولیم وزیرلیگی مسئوللری بوندن آلدین، قویاش اوشبو ییل ده ۷ میلیارد دالرلیک ۵۳ کان نینگ پروسس و قازیب چیقریش قراردادی، ایچکی و تشقی شرکت‌لر بیلن امضالنگنی نی ایتگن ایدیلر.
