کوکرهک بیزی سرطانیگه چلینگن عیاللردن قطاری نینگ سلاموطندار گه ایتیشلریچه، درمانی خذمتلرگه قول تاپه آلمسلیک و نیازلری بولگن دارولر نینگ آلالمهسلیک سبب، دواملی شکلده دوالنیش مقصد قوشنی مملکتلر گه سفر قیلیشگه مجبورلر.
اولر افغانستان کسلخانهلریده کسللیکلری نینگ دوالنیشی اوچون امیدسیز بولگنلری نی بیان قیلیب کوپهیتیریشلریچه، افغانستان ده دولنیش مرکز یوق.
کوکرهک بیزی سرطانیگه چلینگن کسللردن پروین و رونا نینگ ایتیشلریچه، مملکت کسلخانهلریده کسللیکلری نینگ تشخیص بولمهگنی سبب، دوالنیش مقصد هندوستان و پاکستان گه سفر قیلیشگه مجبور بولگنلر.
پروین نینگ ایتیشیچه: «باشده بیلمهیدیم که بو کسللیککه چلینگنمین. دواملی شکلده معاینه بولگنیمدن کیین افغانستان دهگی شفاکارلر جگر قیینچیلیگیم بارلیگی نی ایتدیلر؛ بیراق هندوستان گه بارگنیمدن کیین هندوستانلیک شفاکارلر آرقهلی کوکرهک بیزی سرطانیگه چلینگنیم بیللی بولدی و دواملی شکلده دوالنگنیم بیلن، بو کسللیک کوکرهکدن جگر و بیلیم گه اوتدی.»
بیزلرنینگ فیسبوک صحیفهمیزگه باش اورینگ!
شونینگدیک رونا نینگ ایتیشیچه: «باشده قولیم آستیده بخار بار دیب فکر قیلهر ایدیم؛ بیراق زمان اوتیشی بیلن کتهراق بولدی و کیین بو دانه مینی کوپ ضعیف قیلیشینی حس قیلدم. شفاکار یانیگه باردم و بیر ییلدن بویان درمان آستیدهمین. افغانستان ده دوالنیش خصوصیده امیدیم یوق؛ انه شوو سبب هر مرته پاکستان گه شعاع آلیش اوچون کیتهمن.»
باشقه بیر تاماندن، کوکرهک بیزی سرطانی گه چلینگن کسللردن قطاری نینگ ایتیشلریچه، اقتصادی قیینچیلیک و بو کسللیک دوالنیشی خرهجتی یوقاریلیگی سبب، دوالنیش خرهجتلرینی تامین قیله آلمهیدیلر.
کوکرهک بیزی سرطانی گه چلینگن و اقتصادی قیینچیلیکدن شکایت قیلهدیگن تورت باله آنهسی بولمیش ۳۰ یاشر بیبیشیرین و ییتی باله آنهسی بولمیش ۵۰ یاشر حرمگل نینگ ایتیشلریچه، کسللیکلری نینگ دوالنیشی خصوصیده امیدسیزلر.
بیبیشیرین نینگ ایتیشلریچه: «بیرینچیده ثدیه/کوکرهگیم قسمیده بیر کتله نی حس قیلدم، جدی بیر موضوع بولگنی نی توشینمس ایدیم؛ بیراق شفاکار یانیگه بارگنیمده، اولر دوالنیشی امکانسیز بولگن بیر کسللیککه چلینگنسین دیدیلر؛ چونکه کوکرهک ساحهسیدن برچه تنینگ گه یوققن دیدیلر و بونی دوالنیشی اوچون امکانیتیم یوق و قیته ساغلام لشیشیم نی توشینمهیمن.»
شونینگدیک حرمگل نینگ ایتیشیچه: «کوپینچه پیتدن بیری کسلمین؛ شفاکار گه مراجعت قیلگنیمده کسللیگینگ کوچهیب کیتگن و عملیات بولیش کیرهک دیدیلر و شفاکارلر نینگ اوزی دوالنیش اوچون پاکستان گه باریشیم نی ایتدیلر؛ لیکن پاکستان گه باریش گه امکانیتیم یوق.»
شوندهی بیرحالده، بو کسللیک نینگ باش مرحلهلریده بولگن و دوالنیش اوچون قوشنی مملکتلر گه بارگن عیاللردن قطاری نینگ ایتیشلریچه، دوالنیشلری نتیجه بیریب و قیته توزهلیب کیتیش گه امیدلری بار.
ایکی ییلدن بویان کوکرهک بیزی سرطانی گه چلینگن ۳۳ یاشر کریمه نینگ ایتیشیچه: «کسل بولگنیمدن ایکی ییل بولهدی؛ شفاکارلر شعاع بیرهدیلر و بو کسللیک نینگ بیرینچی باسقیچیدهمین و توزهلیشیم اوچون دعا قیلهمن.»
عین حالده، شفاکارلر بو کسللیک عامللری نی کوکرهک بیزی سرطانی نینگ عایلهوی تاریخی (ژنتیک)، فرزندسیزلیک، تیزلیککه بلوغ گه ایریشیش، سیمیزلیک، هورمونلرده تغییر کیلیش، تورلیخیل شعاعلر خوفی آستیده قرار تاپیش و کوپینچه حیوانی یاغلردن قوللنیش بیلهدیلر.
بیزلرنینگ «ایکس» ترماغی ده هم تعقیب قیلینگ!
بو توغریده توغروق بولیمی متخصصی سمیرا شهیر رحیمی نینگ ایتیشیچه: «برچه یاشلرده کوکرهک بیزی سرطانی گه چلینیش احتمالی بار؛ لیکن ۴۵-۵۰ یاش آرهسیده بولگن عیاللر؛ وزنلری کوپ بولگن؛ هورمونلری سطحی یوقاری بولگن؛ تورلیخیل شعاعلر خوفی آستیده قرار تاپگن و تورلی سببلر گه چقهلاقلری گه سوت بیرمهگن آنهلر ایسه کوکرهک بیزی سرطان گه چلینیش خوفی آستیده قرار تاپگنلر.»
عین حالده، سرپرست حکومت ساغلیقنی سقلش وزیرلیگی سوزلاوچیسی شرافت زمان امرخیل نینگ ایتیشیچه، سونگی ایکی ییلده کوکرهک بیزی سرطانیگه چلینگن عیاللر سانی کوپهیماقده؛ لیکن اولر نینگ دوالنیشی اوچون افغانستان ده مرکز یوق. اونینگ کوپهیتیریشیچه، قویاش ۱۴۰۲-ییلده مملکتده ۴۲۴۰ کوکرهک بیزی سرطانی گه چلینگن کسل ثبت بولگن.
امرخیل نینگ اورغولشیچه: «۱۴۰۲-ییلده مملکتده ۶۲۴۰ کوکرهک بیزی سرطانی گه چلینگن کسل ثبت بولگن که مملکتدهگی سرطان کسللیگی گه چلینگنلر نینگ ۲۶ فایزینی تشکیل بیرهدی و قیغو بیلن کیلهسی ییلده کوپهیماقده و مملکت بویلب کسللر نیازلری نی حل قیلیش خصوصیده مرکزلر یوق. انه شوو سبب کسللر دوالنیش اوچون مملکتدن تشقی گه کیتیش گه مجبورلر.»
خلقارا ساغلیقنی سقلش تشکیلاتی، ییلده دنیا بویلب ۲.۳ میلیون عیال کوکرهک بیزی سرطانی گه چلینیب و اولردن ۶۰۰مینگدن آرتیغی بو کسللیک طفیلی جان بیریشلری خصوصیده گزارشی بیرگنی بیرحالده، کوکرهک بیزی سرطانی گه چلینگن عیاللر دوالنیش خذمتلردن قول تاپه آلمسلیکدن شکایت قیلگنلر.
