کابل شهری «چنداول» منطقه‌سیده ایچیم‌لیک سوو ییتیشمسلیک قیینچیلیگی حلی اوچون، «شهدا» خیریه بیر نهاد تامانیدن ۵۰۰ مینگ افغانی‌لیک بیر قودوق قازیلگن.
اوشبو نهاد باشلیغی غلام صفری نینگ ایتیشیچه، مذکور چقور قودوق نینگ قازیلیشی بیلن، ۳۰۰ عایله ایچیم‌لیک سوودن فایده‌لنه‌دی. اونینگ کوپه‌یتیریشیچه: «سوو کم‌لیگی بیلن روپه‌ره بولگن چنداول اهالی‌سی اوچون واترپمپ و اوچ بویوک سوو ذخیره‌سی بیلن جهازلنگن ایچیم‌لیک سوو قودوغی نی قازگنلر. مذکور چقور قودوق نینگ سووی‌دن ایرتنگ چاغی ۵۰۰ عایله و توش‌دن کیین ۵۰۰ عایله نینگ فایده‌لنیشی ممکن.»
بیزلرنینگ فیسبوک صحیفه‌میزگه باش اورینگ!
عین حالده، سوو کم‌لیگی بیلن روپه‌ره بولگن چنداول یشاوچیلریدن قطاری نینگ ایتیشلریچه، اوشبو منطقه‌ده‌گی دولتی نل‌لر گه اون کون‌دن کیین سوو کیله‌دی؛ بیراق اولر گه کوره، کیله‌دیگن بو سوودن فایده‌لنیش ممکن ایمس.
مذکور منطقه یشاوچیسی حمید نینگ ایتیشیچه، بو سوودن فایده‌لنیش سبب، اوزی و عایله اعضاسی تورلی‌خیل کسل‌لیکلر گه چلینگنلر. اونینگ کوپه‌یتیریشیچه، نیاز بولگن سوو نی تأمین‌لش اوچون اویی‌دن ۶۰۰ متر قویی گه باریش گه مجبور دیر.
حمید نینگ ایتیشیچه: «سووده کپی بار و پاک ایمس. اویی‌میز تاغ اوستیده و ۶۰۰ متر قویی گه قدر باریش گه مجبورمیز که، ابن سینا کسل‌خانه‌سی و مسجد‌لرده‌گی نل‌لردن ایچیم‌لیک سوو آلسه‌ک.»
چنداول منطقه یشاوچیلری، سوو و برق وزیرلیگی‌دن اولر گه نیاز بولگن ایچیم‌لیک سوو نینگ تأمین‌لنیشی نی ایسته‌یدیلر. اوشبو منطقه یشاوچیسی نورآغا نینگ ایتیشیچه: «۱۰ کون‌دن کیین دولتی نل‌لر گه سوو کیله‌دی و او هم پاک ایمس. سوو و برق وزیرلیگی‌دن اهالی گه پاک ایچیم‌لیک سوو تأمین‌لنیشی نی ایسته‌یمیز.»
سوو و برق وزیرلیگی مسئوللری نینگ ایتیشلریچه، حاضر ایسه سوو ییتکزه‌دیگن دولتی شرکت‌لر آرقه‌لی ۳۰ فایز ایچیم‌لیک سوو و خصوصی شرکت‌لر آرقه‌لی ۷۰ فایز ایچیم‌لیک سوو، کابل یشاوچیلری گه تأمین بوله‌دی.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سوو ییتکزیش باشلیغی عمار مموزی نینگ ایتیشیچه، کابل یشاوچیلریدن کوپینچه‌سی نیازلری بولگن سوو نی ساتیب آله‌دیلر. اونینگ کوپه‌یتیریشیچه: «حاضر ایسه کابل یشاوچیلردن ۷۰ فایزی سوو ساتیب آله‌دیلر و ۳۰ فایزی ایسه ییر آستی سوولردن فایده‌لنه‌دیلر. مذکور وزیرلیک سوو ییتکزیش برنامه‌لر نی تطبیق قیلیش بیلن، کابل سووی نی تأمین‌لش ایسته‌یدی.»
سوو و برق وزیرلیگی مسئوللری گه کوره، ایچیم‌لیک سوو گه کابل یشاوچیلری نینگ قول تاپیشی اوچون، شاه‌و‌عروس توغانی، پنجشیر دریاسی و قرغه توغانی‌دن سوو ییتکزیش پروژه خصوصیده ایش نینگ دوامی بار.