کابل ده آلتین ساتووچیلردن قطاری، طلا بازاری تنزل گه یوز توتیشیدن شکایت قیلیب ایتیشلریچه، سونگی کون‌لرده تخمیناً ۸۰ فایز سودالری کمه‌یگن. کابل شهری ده آلتین ساتووچیلردن محمدنبی نینگ سلام‌وطندار گه ایتیشیچه، آلتین سوداسی ۸۵ فایز کمه‌یگن و اهالی اقتصادی قیینچیلیک باعث آلتین‌لرینی ساتماقده‌لر.
اونگه کوره: «قشاق‌لیک، ایش‌سیزلیک باعث افغانستان بازارلریده آلتین سوداسی تخمیناً ۸۰ دن ۸۵ فایز کمه‌یگن و اهالی اقتصادی قیینچیلیک باعث آلتین و تقینچاق‌لرینی ساتماقده‌لر. هر کونی تخمیناً اونلب کیشی طلالرینی ساتیش اوچون کیله‌دیلر، اوتگن ییل‌لر گه نسبتن اهالی تخمینی روشده ۸۵ فایز طلالرینی ساتماقده‌لر.»
بیزلرنینگ فیسبوک صحیفه‌میزگه باش اورینگ!
محمدنبی، افغانستان بازارلریده طلا نرخی یوقارلیگینی، سودا کمه‌یشی عنوان قیله‌دی.
کابل شهری ده طلا ساتووچیلردن باشقه بیری جلال‌الدین، آلتین ساتووچیلر وضعیتیدن خواطر بیلدیریب ایتیشیچه، اوشبو کونلر قریب ۸۰ فایز مجازلری آلتین‌لرینی ساتیش اوچون کیله‌دیلر.
اونینگ ایتیشیچه: «اوتمیش گه نسبتن آلتین ساتووچیلر وضعیتی اوزگرگن؛ اوتمیش‌لرده بازار یخشی ایدی حاضر تنزل گه یوز توتگن، ۸۰ فایز مجازلر اوز طلالرینی ساتیش اوچون کیله‌دیلر. توی یا باشقه مناسبت اوچون ضرورت بولگن حالده کیلیب آلیب اوزلرینی قرضدار قیلیشه‌دی. وضعیت بوندن هم کوره آغیر بولیشی ممکن. دولت بوتوغریده دقت قیلیشی لازم عکس‌حالده وضعیت یامان بولیشی ممکن.»
شونینگدیک، کابل شهری ده طلا ساتووچیلردن باشقه بیری مسعود، طلا بازاری تنزل گه یوز توتیشیدن شکایت قیلیب ایتیشیچه: «سونگی کون‌لرده طلا سوداسی کمه‌یگن، ایش یوق طلا ساتووچیلیک بیر شوق دیر، اوتمیش ده سودا بار ایدی حاضر سودا کمه‌یگن.»
طلالرینی ساتیش اوچون طلا ساتووچیلیک دوکانی گه مراجعت قیلگن کیشی‌لر، اقتصادی قیینچیلیک دن نالیدیلر.
کابل یشاوچیلریدن خدیجه، طلاسینی ساتیش اوچون طلا ساتووچیلیک بازاری گه کیلگن ایتیشیچه، ایری بیکار و عایله‌سی نینگ خرجتینی تأمینلش اوچون طلالرینی ساتیش گه مجبور بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «مجبورلیک دن بار طلالریمنی ساتدیم. ایریم ایش‌سیز دیر. فرزندلریم آچ ایدی، کییم_کیچکلری یوق ایدی. یاقیلغی ماده‌میز یوق ایدی، طلالریمنی ساتیش گه مجبور بولدیم.»
شونینگدیک، کابل یشاوچیلریدن باشقه بیری فرشته احمدی، ینگی‌لیکده طلالرینی ساتگن ایتیشیچه: «ایریم سابق دولت خادمی ایدی حاضر بیکار دیر. اهالی حاضر اقتصادی قیینچیلیک بیلن روپه‌ره دیر، ایش یوق طلالریمنی ساتیش گه مجبور بولدیم.»
اوتگن بیر ییل ده اینیقسه سونگی آی‌لرده، هوا ساووق‌لیگی باعث ییگولیک و یاقیلغی ماده‌لر نرخی آشگن، بولرگه علاوه افغانستان گه انسان پرورلیک یاردم‌لر کیسیلیشی اولکه یشاوچیلرینی تورلی خیل قیینچیلیک‌لر گه دوچ قیلگن اینیقسه عیاللر، عایله اعضالری نینگ خرجتینی تأمینلش اوچون طلالرینی ساتیش گه مجبور بولگن.