کابل شهری ده دوکاندارلر و رستورانت ایگه‌لریدن بیرقطاری، سالیق نرخی یوقاری‌لیگی و انیق معیارسیزلیک دن نالیب ایتیشلریچه، اولر اوستیگه کونسه‌یین سالیق کوپه‌یماقده دیر.
کابل شهری نینگ ایکینچی حوزه حدودلری ده‌گی دوکان‌دارلردن بیری صمد نینگ ایتیشیچه: «اوتگن ییل گه قره‌گنده ایش‌لریمیز ۹۰ فایزی کمه‌یگن. سودا و ایش یوق. کیلیب مال‌لریمیز نی کوره‌دیلر و اوزلری یوز مینگ افغانی تثبیت قیله‌دیلر؛ دوکان‌لر بعضی پیت، هفته‌لر و آی‌لرده پول تاپه آلمه‌یدی، مال نینگ ۹۰ فایزی هم قرض دیر و مال گه قره‌ب مالیه تعیین قیله آلمه‌یدیلر، مالیه نینگ کمه‌یشی نی ایتگن ایدیلر، بیراق ایکی و اوچ برابر بولگن.»
بیزلرنینگ فیسبوک صحیفه‌میزگه باش اورینگ!
شونینگدیک دوکان‌دارلردن باشقه بیری محمد‌عیسا نینگ ایتیشیچه: «ایرتنگ‌دن آخشم‌گچه اولتیره‌میز و بو پول نی قولگه کیلتیره آلمه‌یمیز. دوکان گه کیلیب و مال گه قره‌ب مالیه تعیین قیله‌دیلر. بو مال نینگ کیم‌دن بولگنینی سوره‌مه‌یدیلر. جبر و زور بیلن مالیه نی بیرینگ دیه‌دیلر. آی‌ده ۲۳ و ۴۰ مینگ بیزلردن آله‌دیلر.»
شونده‌ی بیرحالده، کابل شهریده رستورانت ایگه‌لریدن قطاری مالیه آلیش خصوصیده بیللی معیار یوقلیگی‌دن شکایت قیلیب ایتیشلریچه، دستلبکی ماده‌لر نرخی اساسیده، اولردن مالیه آلینیشی کیره‌ک.
کابل شهریده گی رستورانت ایگه‌لریدن بیری عبدالامین نینگ ایتیشیچه: «بیخی وضعیتی‌میزنی بوزگنلر. بیر مرته ایرتنگ کیله‌دیلر و بیر مرته هم کیچه. اوتگن ییل‌لر مالیه کوپ بولگنی پیتده هم، ایش بار ایدی. حاضر ایسه ایش هم یوق و مالیه هم کون اوتیشی بیلن کوپه‌یماقده. نرخ‌لر هم اوزگرگن. اوتگن ییل‌لر بیر بوجی برنج ۱۷۰۰ یا-ده ۱۸۰۰ افغانی ایدی و حاضر ایسه ۲۳۰۰ افغانی. اولر نی نظر گه آلیب و مالیه تعیین قیلیش‌لری کیره‌ک. یالغیز دخل نی کورمه‌ی و درآمد‌لرنی کوریش‌لری کیره‌ک. درآمد حاضر ایسه یریم‌دن هم آز دیر.»
بیزلرنینگ توییترده هم تعقیب قیلینگ!
عین حالده، مالیه وزیرلیگی مسئوللری مالیه کوپه‌یگنینی رد قیلیب ایتیشیچه، درآمدلر گه بناً مالیه‌لر قانونی اساسیده، ایش‌لردن آز مالیه آلینه‌دی.
مالیه وزیرلیگی سوزلاوچیسی احمد‌ولی حقمل نینگ ایتیشیچه: «درآمدلر گه مالیه نینگ ۷۴ و ۷۵- قانونی‌ده بیان بولگن بو مالیه‌لر نینگ اوسطی و مالیه‌لر معیاری دیر. اعتباری‌میز ساتیش گه دیر. مسلکی همکار‌لریمیز مالیه تعیینلش اوچون کیتگنلری پیتده، ایکی یا-ده اوچ کون سودا_ساتیق‌لرنی کوزه ته‌دیلر و سودا اساسیده ۰.۵ فایز مالیه آلینه‌دی.»
عین حالده، اوتگن نیچه آی‌ده هرات، هلمند و لوگر شامل ولایت‌لردن قطاری‌ده صناعتچیلر و دوکاندارلر مالیه‌لر نینگ کوپه‌یگنیدن شکایت قیلگنلر.
