صناعت و سوداگرلیک وزیرلیگی و خصوصی سکتور نماینده‌لری حضوری بیلن بوگون (پنجشنبه، ۱-سنبله)، کابل ده افغانستان خلق‌ارا کورگزمه‌لر مرکزیده «پیروزی و پیشرفت‌های اقتصادی افغانستان» اسمی آستیده ایچکی تولیدلر و محصولات ملی کورگزمه‌سی یولگه قوییلگن.
اوشبو کورگزمه‌ده صناعت و سوداگرلیک وزیرلیگی نینگ تجارت ایشلری بوییچه عمومی باشلیغی محمدزبیر دین‌پرور نینگ ایتیشیچه، ایچکی تولیدلردن قوللنیش، افغانستان نی وارداتی مملکت‌دن صادراتی مملکت گه اوزگرتیره‌دی. اونینگ کوپه‌یتیریشیچه: «افغانستان تولیدلری دنیاده اوزیگه لایق حصه تاپگن و مذکور تولیدلر دنیا نینگ بویوک مملکتلری گه صادر بوله‌دی. بو کورگزمه افغانستان محصولاتی نینگ تانیشتیریش اوچون یولگه قوییلگن.»
بیزلرنینگ «ایکس» ترماغی ده هم تعقیب قیلینگ!
دین‌پرور سوداگرلر و سرمایه یاتقیزووچیلردن افغانستان ده تورلی بولیم‌لرده سرمایه یاتقیزیشلرینی ایسته‌گن.
شونده‌ی بیرحالده، افغانستان سودا و سرمایه یاتقیزیش اتاق بیرینچی اورین باسری یونس مومند نینگ ایتیشیچه، حاضر افغانستان توارلردن قطاری نینگ تولید قیلیش‌ده خودکفالیککه ییتیشگن و شونینگدیک صادرات میزانی هم کوپه‌یگن دیر. «اهالی‌دن بو کورگزمه نینگ کوریب چیقیشینی ایسته‌یمیز و یخشی قراردادلر نینگ امضالنیشی ممکن. افغانستان تولیدلریدن قوللنیشیمیز کیره‌ک. اوتگنلرده ۸۰ فایز وارداتیمیز بولگنی‌ده حاضر ایسه ۲۵ فایز بولگن که خودکفالیککه یقین بولگن‌میز. مرکزی آسیا آرقه‌لی قریب بیر میلیون ۵۰۰ مینگ تُن صادرات قیلگن‌میز.»
مومند نینگ کوپه‌یتیریشیچه، افغانستان قوشنی مملکتلر بازارلری گه قول تاپیش اوچون سعی‌وحرکت قیله‌دی.
باشقه بیر تاماندن، افغانستان کانلر و صناعت اتاقی بیرینچی اورین‌باسری سخی‌احمد پیمان نینگ ایتیشیچه، اسلام امیرلیگی یقین‌ده صناعتچیلر و تولید قیلووچیلردن حمایت قیلیش اوچون، اولر گه ییر ترقه‌تیش پروسه‌سی نینگ باشله‌یشی ممکن. «خصوصی سکتور، ایکینچیلیک محصولاتی، قول صناعتی و باشقه یوتوقلرینی تورلی بولیم‌لرده نمایش گه قویگنلر. قیین‌چیلیکلر بار؛ صناعتچیلر گه یقین‌ده ییر ترقه‌تیلیشی باشلنیشی ممکن.»
بیزلرنینگ فیسبوک صحیفه‌میزگه باش اورینگ!
«پیروزی و پیشرفت‌های اقتصادی افغانستان» اسمی آستیده‌گی کورگزمه‌ده، کابل و ولایت‌لردن ایچکی تولیدلر و محصولات ۳۱۰ غرفه‌ده تورت کونچه نمایش گه قوییلگن.
اوشبو کورگزمه‌ده محصوللری نینگ نمایش گه قویگن سوداگرلردن قطاری نینگ ایتیشلریچه، ساتیش بازاری یوقلیگی و امکانیت کم‌لیگی ایشلری برابریده‌گی جدی قیین‌چیلیکلردن دیر.
سوداگرلردن بوبانی علی‌زاده نینگ ایتیشیچه، بو کورگزمه قراردادلر نینگ قولگه کیلتیریشلری اوچون زمینه یره‌تیشی گه امیدوار دیر. «۱۵ کیشی ایشله‌یمیز و قالین تولید قیله‌میز. هر قنده‌ی قالین جمله‌دن قزاقی، چوبی، آب‌رنگ و ابریشیمی دیر. درست جای یوقلیگی و امکانیت‌سیزلیک قیین‌چیلیکلریمیزدن بیری دیر. ایشلاوچیلریمیز نینگ ایسته‌گی بیزلردن کوپ دیر؛ بیراق بیزلر قیله آلمه‌یمیز، اوسکونه‌لر آز دیر و ایکی ایش‌خانه‌دن کوپ ایمس. بو کورگزمه آرقه‌لی پروژه‌لریمیز نینگ کوپه‌یشیمییز نی ایسته‌یمیز.»
ایتیش کیره‌ک که، اوتگن اوچ ییل‌ده ایچکی تولیدلردن حمایت قیلیش مقصد نیچه کیچیک و بویوک ملی و خلق‌ارا کورگزمه‌لر کابل ده یولگه قوییلگن.
