«دوداق و تنگله‌ی جیریق» کسل‌لیگی گه چلینگن ۱۰۰ باله، ینگی‌لیکده افغانستان گه کیلگن بنگلادیش‌لیک ۷ شفاکار آرقه‌لی صحت طفل (اندراگاندی) کسل‌خانه‌سیده تیکین شکلده درمان‌لنه‌دیلر.
صحت طفل کسل‌خانه‌سی مسئوللری نینگ ایتیشلریچه، مذکور باله‌لر نینگ قبول قیلیش جریانی اوچ کون آلدین باشلنیب و حاضرگچه دوداق و تنگله‌ی جیریق کسل‌لیگی گه چلینگن ۲۵۰ باله دوالنیش اوچون اوشبو کسل‌خانه گه مراجعت قیلگن.
صحت طفل کسل‌خانه‌سی نینگ عاجل بولیمی مسئولی خیبر صحاک نینگ ایتیشیچه، مذکور پروسه‌ده دوالنیش اوچون آلتی آی‌لیک‌دن ۱۳ یاشرگچه بولگن باله‌لر تنلنه‌دی. اونینگ کوپه‌یتیریشیچه: «حاضرگچه افغانستان بویلب ۲۵۲ کیشی ثبت بولگن و شفاکارلر هر بیر کسل نی معاینه قیلیب، کیین ایسه اولر آره‌سیدن ۱۰۰ ته کسل نینگ عملیات بولیش اوچون تنله‌یدیلر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، صحت طفل کسل‌خانه‌سی گه دوالنیش اوچون باله‌لری نی کیلتیرگن عایله‌لردن قطری، بو پروسه‌دن خورسند‌لیک قیلیب ایتیشلریچه، اولر باله‌لری نینگ دوالنیشی اوچون امکانیت‌لری یوق.
صحت طفل کسل‌خانه‌سیگه باله‌لری نینگ دوالنیشی اوچون پروان دن کیلگن نگینه نینگ ایتیشیچه: «دنیا گه کیلگنلریدن بیری دوداق‌لری جیریق، باله‌لریم‌دن بیری آلتی آیلیک و باشقه بیری تورت یاشر دیر. ییمک بیریشیمیز پیتده، آغیزلریدن توشه‌دی و ییمک ییه آلمه‌یدیلر.»
ایناغه‌سی نینگ دوالنیش اوچون کنر دن کیلگن فرمان‌الله نینگ ایتیشیچه: «ایناغه‌م نی دوالنیش اوچون کیلتیرگن‌مین. بو قیین‌چیلیک اونی یوزی گه تغییر کیلتیرگن و اونی کوپ قیین‌چیلیک بیلن روپه‌ره قیلگن. عملیات یا-ده درمان بولگنی‌ده کوپ راحت بولیشی ممکن.»
شونینگدیک آنه‌لردن باشقه بیری زینب نینگ ایتیشیچه: «بالهم بیش یاشر دیر. اوتگن‌ده ایکی مرته عملیات قیلدیم؛ بیراق یخشی بولمه‌دی. بو قیین‌چیلیک بالهم نی کوپ قیین‌چیلیک بیلن روپه‌ره قیلگن.»
بیزلرنینگ فیسبوک صحیفه‌میزگه باش اورینگ!
مذکور پروسه بوگون (چهارشنبه، ۹-حوت) باشلنیب و ۱۰ کونگچه دوام تاپیشی گه قرار آلینگن.
شفاکارلر آنه‌لر نینگ نامناسبت آوقت‌لنیشی و حامله‌لیک چاغیده اوز باشیمچه‌لیک شکلده دارو قوللنیشلرینی، چقه‌لاق‌لر نینگ دوداق و تنگله‌ی جیریق کسل‌لیگی گه چلینیش اصلی عامل‌لریدن بیله‌دیلر.
