بوگون (پنجشنبه، ۱۶-حمل)، کابل ده خلق‌ارا ماین‌لر خوفی خصوصیده آگاهی‌لیک بیریش کونی، اسلام امیرلیگی ییریک رسمی‌لری، بیر قطار مملکت‌لر دیپلمات‌لری و افغانستان ده ماین تازه‌لش موسسه‌لری مسئوللری نینگ حضوری بیلن، بیر برنامه آرقه‌لی نشانلنگن.
مذکور برنامه‌ده مسئوللر آرقه‌لی ارائه بولگن آمارلر اساسیده، اوتگن میلادی ییل نینگ باشلنگنی‌دن حاضرگچه، مملکت‌ده اوتگن اوروش‌لر جریانیدن پارتلمه‌ی قالگن ماین‌لر و ماده‌لر نینگ پارتلشی نتیجه‌سیده، ۶۶۳ کیشی ۳۶۹ واقعه‌ده اولیب و یره‌لنگن.
اوشبو آمارلر آره‌سیدن ۵۵۵ کیشی نینگ اولیب و یره‌لنگنی، ۲۰۲۳-ییل جریانیده ثبت بولیب و ۱۰۸ اولیب و یره‌لنگن مورد ایسه جاری میلادی نینگ باش اوچ آیی‌ده ثبت بولگن.
بیزلرنینگ «ایکس» ترماغی ده هم تعقیب قیلینگ!
حادثه‌لرنی باشقریش بوییچه دولت وزیرلیگی نینگ ماین تازه‌لش هماهنگ‌لیگی و انسجام اداره باشلیغی نورالدین رستم‌خیل نینگ ایتیشیچه: «۲۰۲۳-ییل جریانیده، ۳۰۸ پارتلمه‌ی قالگن ماین‌لر نینگ پارتلشی واقعه‌سیده، ۵۵۵ کیشی اولیب و یره‌لنگن که اولر ارا ۳۱۱ ایرکک یره‌لنیب و ۱۳۷ ایرکک ایسه جان بیرگن. شونینگدیک ۷۰ عیال یره‌لنیب و ۳۷ عیال اولگن دیر.»
شونینگدیک مذکور برنامه گه شرکت قیلووچیلر افغانستان ده بو پروسه نینگ باشلنگنی‌دن بویان ایکی یوزدن آرتیق ماین تازه‌لش ایشلاوچیلری نینگ اولگنی‌دن خبر بیرگنلر.
بو توغریده افغانستان ده ماین تازه‌لش موسسه‌لردن بیری نینگ باشلیغی محمدشهاب حکیمی نینگ ایتیشیچه: «مذکور موسسه‌لردن برچه‌سی افغانستان نینگ تورلی بولیم‌لریده اوز عملیات‌لری نی دوام بیرگنلر که اونینگ نتیجه‌سیده، ایکی یوزدن آرتیق کیشی جان بیرگن که اوشبو ییگیت‌لردن کوپینچه‌سی تعلیم کورگن ایدی.»
باشقه بیر تاماندن، مسئوللر نینگ ایتیشلریچه، توپلم شکلده افغانستان ده پارتلمه‌ی قالگن ماین‌لر و ماده‌لر بیلن افلاسلنگن ۵مینگ ۲۹ کیلومتر ییر‌دن، اوچ مینگ ۸۲۶ کیلومتری تازه‌لنیب و حاضر ایسه ۱۲ یوز ۳۰ کیلومتر ییر ماین بیلن افلاسلنگن دیر.
اسلام امیرلیگی مملکت‌ده اوروش‌لر جریانیدن پارتلمه‌ی قالگن ماین‌لر و ماده‌لر تهدیدی نینگ جدی بولگنی گه اشاره قیلیب دنیادن، سیاسی موضوع‌لر نینگ نظر گه آلمه‌ی و افغانستان جغرافیاسی نینگ پارتلمه‌ی قالگن ماین‌لر تازه‌لنیشی خصوصیده همکارلیک قیلیشی نی ایسته‌گن.
سرپرست حکومت باش وزیری نینگ سیاسی اورین‌باسری محمد عبدالکبیر نینگ ایتیشیچه: «افغانستان بویلب ماین تازه‌لش برنامه‌سی نینگ عملی بولیشی کیره‌ک. بو توغریده بیر بیریمیز نینگ همکارلیگی بیلن اقدام قیلیشیمیز کیره‌ک که ماین بولمه‌گن بیر افغانستان گه صاحب بوله‌یلیک.»
بیزلرنینگ فیسبوک صحیفه‌میزگه باش اورینگ!
شونینگدیک حادثه‌لر نی باشقریش ایشلری بوییچه دولت وزیرلیگی سرپرستی عبدالرحمان زاهد نینگ ایتیشیچه: «دنیا نینگ اوتگن ییل‌لرده‌گی قیلگن همکارلیک‌لریدن قدردانلیک قیلیب و اولردن، افغانستان اهالی‌سی نینگ یالغیز قویمسلیک‌لری نی ایسته‌یمیز که ساحه‌لرده قالگن ماین‌لر هم تازه‌لنسین.»
ایتیش کیره‌ک که، بیرلشگن ملت‌لر تشکیلاتی آرقه‌لی ارائه بولگن آمارلر اساسیده، حاضر ایسه افغانستان ده اوتگن اوروش‌لر جریانیدن پارتلمه‌ی قالگن ماین‌لر نینگ پارتلشی عاقبتیده، آی‌ده کمیده ۶۰ کیشی جان بیره‌دی.
باشقه بیر تاماندن، خلق‌ارا قیزیل خاچ کمیته‌سی نینگ اعلام قیلیشیچه، اوتگن ییل‌ده بو کمیته افغانستان ده ماین‌لر پارتلشی عاقبتیده ۶۷۳ کیشی نینگ اولیمی نی ثبت قیلگن که اولردن ۶۰ فایزی نی باله‌لر تشکیل بیره‌دی.
