کابل ده اسلام امیرلیگی و قزاقستان رسمی‌لری نینگ حضوری بیلن افغان-قزاق ایکّی کون‌لیک قۉشمه کورگزمه یولگه قوییلگن.
اسلام امیرلیگی باش وزیری نینگ اقتصادی اۉرین باسری عبدالغنی برادر، اوشبو کورگزمه اهمیتی اوستیگه تاکیدلب ایتیشیچه، بو کورگزمه افغان و قزاق سوداگرلری تجربه‌لرینی بیر-بیری بیلن شریک قیلیش و ایکّی مملکت آره‌سیده اقتصادی مناسبت‌لر کېنگه‌یشی مقصدیده یولگه قوییلگن.
اونینگ کوپه‌یتیریشیچه، باشقه وقت‌لر گه نسبتن حاضر افغانستان ده سرمایه یاتقیزیش فرصتی یره‌تیلگن: «بو کورگزمه ده ایکّی مملکت ده ایشلب چیقریلگن محصولات نمایش گه قوییلگن و ایکّی مملکت سوداگرلری تجربه‌لرینی بیر-بیری بیلن شریک قیله آله‌دیلر.»
شونینگدیک صناعت و سودا وزیرلیگی مسئوللری نینگ ایتیشلریچه، بو کورگزمه افغانستان و قزاقستان آره‌سیده آلیش-بیریش میزانی کوپه‌یشی گه سبب بولهدی.
صناعت و سودا وزیری نورالدین عزیزی گه کوره، افغانستان و قزاقستان آره‌سیده سودا حجمی آشگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو کبی کورگزمه‌لر یولگه قوییلیشی و ایکّی مملکت آره‌سیده‌گی ایشانچ طفیلی سودا حجمی سېزیلرلی درجه ده آشگن اینیقسه تورلی صادراتی محصولات و حجمی کوپه‌یشی گه گواه‌میز.»
اوشبو کورگزمه ده افغانستان و قزاقستان نینگ ایچکی و تولیدی محصولاتی ۸۰ غرفه که ۴۰ غرفه‌سی قزاقستان سوداگرلری گه اختصاص بیریلگن، کورگزمه گه قویلگن.
عین‌حالده، قزاقستان سوداگرلریدن بیرقطاری، محصولات‌لری ساتیلیشی اوچون بو کورگزمه‌نی مهم دیب بهاله‌گنلر.غرفه اېگه‌سی عین‌الدین گه کوره، بو کورگزمه قزاقستان سوداگرلری گه اېریم قولی‌لیک‌لرنی یره‌تگن.
اونینگ ایتیشیچه: «بو کورگزمه برچه‌میز گه قولی‌لیک یره‌ته‌دیگن و اوزاق نی یقینلشتیره‌دیگن ایشیکنی آچه‌دی افغانستان سوداگرلری بیلن یقیندن تانیشیب و بیر-بیریمیز گه یاردم بیریش گه سبب بولهدی.»
بیزلرنینگ «ایکس» ترماغی ده هم تعقیب قیلینگ!
غرفه اېگه‌لریدن باشقه بیری چنگیز گه کوره: «قزاقستان ده یاغ ایشلب چیقریش شرکتی‌میز بار و محصولاتی‌میزنی ساتیش اوچون بو کورگزمه ده اشتراک اېتدیم و بیز هر تور بویورتمه نی قبول قیله‌میز.»
شونینگدیک، مذکور کورگزمه ده اشتراک اېتگنلردن بیرقطاری نینگ ایتیشلریچه، بو کورگزمه افغان یشاوچیلری و سوداگرلری گه اېریم قولی‌لیک‌لرنی یره‌تگن.
اوشبو کورگزمه ده اشتراک اېتگنلردن بیری محب‌زاده گه کوره: «بو کورگزمه، محصولاتی‌میز گه خارجی بازار قیدیریش اوچون یاردم بیره‌دی و بو کورگزمه افغانستان و قزاقستان سوداگرلری تجربه‌لرینی بیر-بیری بیلن شریک قیلیش گه سبب بولهدی.»
صناعت و سودا وزیرلیگی نینگ معلوماتی اساسیده، اۉتگن ییل افغانستان قزاقستان گه ۱۴ فایز و عکسینچه قزاقستان افغانستان گه ۸۶ فایز توار صادر قیلگن.
ایتیش کېره‌ک، اوشبو کورگزمه نینگ بیرینچی دوری اۉتگن ییل اسد آی ده قزاقستان پایتختی آستانه شهری ده بولیب اۉتگن اېدی.
