ییل‌لر قدامتی بولگن کابل شهری نینگ انتیک فروش‌لیک کوچه‌سی، زینتی و قدیمی نرسه‌لر نینگ سودا ساتیق بویوک مرکزی سنله‌دی، حاضر اوشبو بازار تنزل گه یوز توتگن.
کابل ینگی شهری انتیک فروش‌لیک کوچه‌سیده زینتی نرسه‌لرنی ساتووچیلردن قطاری نینگ ایتیشلریچه، اسلامی امارت حاکم بولیشیدن کیین اولر نینگ بازاری تنزل گه یوز توتگن.
بیزلرنینگ فیسبوک صحیفه‌میزگه باش اورینگ!
اولر نینگ ایتیشلریچه، اوشبو بازار نینگ اکثر مجاز و خریدارلری خارجی‌لر ایدیلر که حاضر مملکتده ایلچیخانه‌لر یاپیلیشی بیلن، هیچ بیر چیت ایل‌لیک اوشبو بازار گه مراجعت قیلمه‌یدی.
کابل شهری ده زینتی نرسه‌لرنی ساتووچیلردن عبدالجبار نظری نینگ ایتیشیچه: «حاضر انتیک فروش‌لیک بازاری تنزل گه یوز توتگن، اسلامی امارت حاکمیت‌نی آلیشیدن کیین، پروازلر توخته‌تیلیشی، خارجی‌لر و توریست‌لر نینگ کیلمسلیگی باعث هیچ خرید و فروش یوق، شونی اوچون بازار صفر بولگن.»
کابل شهری ده انتیک فروش‌لردن باشقه بیری احمد نوید گه کوره: «حاضر وضعیت بیخی خراب، سابق ۱۰۰ فایز دن ۷۰، ۶۰ فایز سودا بار ایدی، لیکن حاضر هیچ سودا یوق، ۲۰ و ۳۰ فایز سودا هم یوق.»
عین‌حالده، کابل شهری انتیک فروش‌لیک کوچه وکیلی نینگ اورین باسری محمد اکبر سمندری گه کوره، ایلچیخانه‌لر آچیلمه‌ی و خارجی‌لر اوشبو بازار گه مراجعت قیلمه‌گن حالده، مذکور بازارده‌گی بار نرسه‌لر یوق بولیشی ممکن. اونینک کوپه‌یتیریشیچه: «ایلچیخانه‌لر آچیلسه، قیته‌دن بوکیچه رونق تاپه‌دی، اگر ده آچیلمسه، افغانستان ده‌گی صناعت استه_سیکین یوق بوله‌دی.»
بیزلرنینگ توییترده هم تعقیب قیلینگ!
شو بیلن بیرگه صناعت و سوداگرلیک وزیرلیگی نینگ برنامه‌لرنی یولگه قوییش باشلیغی احسان‌الله پذیر نینگ سلام‌وطندار گه ایتیشیچه، کورگزمه‌لرده صناعتچیلر و سوداگرلر دقتینی تارتیش مقصدیده ایریم مملکت‌لر بیلن علاقه ده‌لر.
قول صناعتی، قدیمی اثرلر، قیمت بها تاش‌‌لر، اوروش اثرلری، قدیمی ایدیش‌لر و قیمت بها تقینچاق‌لر کابل شهری انتیک فروش‌لیک کوچه‌سیده ساتیله‌دیگن اثرلردن عبارت دیر؛ بیراق اوشبو کوچه و بازار اوتمیش گه نسبتن اوز رونقینی قولدن بیرگن.
