هر ییلی کابل یشاوچیلری هییت بیرمی ییتیب کیلیشی بیلن بازار‌لر گه باریب و هییت کون‌لریده مهمان‌لری نینگ کوتیب آلیش اوچون تیارگرلیک آله‌دیلر؛ بیراق کابل یشاوچیلریدن قطاری نینگ ایتیشلریچه، کمبغل‌لیک و ایش‌سیزلیک سبب، قوروق میوه و شیرین‌لیک کبی نیازلری بولگن ییگولیک ماده‌لر نی، هییت بیرمی دسترخوان‌لری گه تیره آلمه‌یدیلر.
کابل یشاوچیلریدن بیری سید‌آقا نینگ ایتیشیچه: «گرچند هییت بیرمی گه نیاز بولگن ییگولیک ماده‌لر قیمتی آز دیر؛ بیراق اهالی نینگ اقتصادی وضعیتی خراب و اهالی هییت بیرمی اوچون تیارگرلیک آلالمه‌یدیلر.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو شهر یشاوچیلریدن باشقه بیری سمیر نینگ ایتیشیچه: «اهالی نینگ اوتمیش گه قره‌گنده گوجوم‌لیگی کمه‌یگن و اهالی اقتصادی ضعیف دیر و اهالی هییت بیرمی اوچون قوروق میوه آلیش گه اونچه‌لیک کوچی ییتیشمه‌یدی.»
شونده‌ی بیرحالده، کابل شهری نینگ مندوی‌سیده‌گی دکان‌دارلردن قطاری، هییت بیرمی گه نیاز بولگن قوروق میوه‌لر قیمتی کمه‌یگنی گه اشاره قیلیب سلام‌وطندار گه ایتیشلریچه، بو ییل اونچه‌لیک ساتیشلری یوق.
کابل شهری مندوی‌سیده‌گی دکان‌دارلردن عجب‌خان نینگ سلام‌وطندار گه ایتیشیچه: «بو ییل کوپ ارزان‌لیک بولگن و بازار هم اونچه‌لیک یوق. اوتگن ییل یخشی ایدی، بیراق بو ییل ارزان‌لیک بولگنی بیلن یخشی ساتیشمیز یوق.»
مذکور دکان‌دارلردن باشقه بیری فرید احمد نینگ ایتیشیچه: «دکان‌دارلر نرسه‌لر نی قیمت آله‌دیلر و قیمت ساته‌دیلر. بازارده نرسه‌لر قیمت کیله‌دی..»
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، حاضر ایسه کابل شهری نینگ بازارلریده بیر کیلو امریکایی بادام ۴۰۰ افغانی، بیر کیلوپسته ۶۵۰ افغانی، بیر کیلو یانغاق ۵۰۰ افغانی، بیر کیلو مه‌ییز ۳۰۰ افغانی و بیر کیلو سیمیان ایسه ۱۵۰ افغانی و شونینگدیک بیر کیلو کلچه و شیرین‌لیک‌لر ایسه ۲۰۰-۷۰۰ افغانی‌گچه ساتیله‌دی.